Osijek (mugažo horvatan kelel, virktas [ôsijeːk]) om lidn Horvatijan päivnouzmas. Se om nellänz' surtte lidn valdkundas, Osijek-Baranjan ümbrikon (županijan) administrativine keskuz.

Osijek
 Lidnanznam
Coat of arms of Osijek.svg
 Flag
Flag of Osijek.svg
Valdkund Horvatii
Eläjiden lugu (2021) 96,848 ristitud
Pind 174,85 km²
Osijek
Telefonkod +385−31
Aigvö tal'vel UTC+1,
kezal UTC+2


Ph. Mikoin jumalanpert'

IstoriiRedigeeri

Eländpunkt mainitase ezmäižen kerdan vl 131 kuti Murs (horv.: Mursa) — Rimalaižen imperijan kolonijaks. Vspäi 1196 mainitase nügüdläiženke nimenke. Lidnan kaikiš amuižemb pala nimitase Tvrda:ks, se om saudud Mursan lidnusen jändusiden sijas. Osijekan lidnuz om saudud vl 1721.

Osijek šingotase neniden sarakoiden edheotandoil: mašinansauvomine, kebn tegimišt, sömtegimišt («Osječko»-olud), punümbriradmine («Drava»-virifabrik), himine «Saponia»-tegim.

Geografijan andmusedRedigeeri

Lidn sijadase ümbrikon päivnouzmas, 90 m valdmeren pindan päl, Dravanjogen oiktal randal bradindsijanno siš päliči, 25 kilometras ülezjogen Dunaišpäi. Serbii om Dunain taga päivnouzmas.

EläjadRedigeeri

Vn 2011 rahvahanlugemižen mödhe eläjiden lugu oli 108 048 ristitud. Kaikiš suremb lidnan ristitišt oli 129 792 eläjad vl 1991.

Religijan mödhe (2001): riman katolikad — 84,3 %, ortodoksižed hristanuskojad — 7,5 %, islamanuskojad — 0,8 %, toižed uskojad i religijatomad — 7,4 %.

Osijekan universitet Josip Jurai Štrosmaijeran nimed (18 tuhad üläopenikoid vl 2015) om sätud vl 1975 erigoičendal Zagreban universitetaspäi.

IrdkosketusedRedigeeri