Odžibve (rahvaz)

Disambig gray.svg Sil sanal voib olda toižid znamoičendoid; miše nähta niid, tulgat tänna.

Odžibve (mugažo odžibv) vai čippeva (Ojibwe, Ojibwa, Chippewa, ičeze nügüdläine nimituz: Aniššinape) om Pohjoižamerikan indejine rahvaz.

Viž vejad-odžibvelašt (19. voz'sada)

LeviganduzRedigeeri

Odžibvelaižed elädas Kanadas i AÜV:oiden pohjoižes. Rahvahan eziauguine territorii levitase pohjoižhe i päivlaskmha Suriš järvišpäi.

Lugu om läz 360 tuhad ristituid — enamb 205 tuhad Kanadas i enamb 150 tuhad AÜV:oiš. Pagištas odžibven i anglijan kelil.

IstoriiRedigeeri

Odžibve-rahvaz eli laptas evropižen kolonizacijan päčuradusespäi, ka om kaičenus. Vedi sodoid lähižid indejižid rahvahid vaste kolonizacijan aigan eskai.

Nügüd'aigan rahvahan kundad elädas äiluguižiš rezervacijoiš, om rahvahan ezitajid lidnoiš-ki.

Rahvahan kul'turan istorii mülütab tohesižid venehid i turuškoid, vas'ken samišt da torguindad, mecrisan kul'tiviruindad i vahtren siropan sandad. Kaičenus tohesižiš turuškoiš om kirjutadud detaližikš da kompleksižikš neniš azjoiš: aigtegoiden istorii, pajod, kartad, mainitesed, starinad, matematikan i arboiden tedod.

ReligiiRedigeeri

Rahvahan nügüd'aigaižed uskod oma protestantizman jumalankodikundad, katolicizm i veroližed verod.

Tähäsai totemizm, mectusen kul'tad i rahkoiden-valdoičijoiden kul'tad oma levitadud odžibve-rahvahas. Ülembaine jumal om Gitči-Manitu (Kičči-Manito).


  Nece kirjutuz om vaiše ezitegez. Tö voit abutada meile, ku kohendat sidä da ližadat sihe.