Namangan
Namangan (mugažo uzbekan kelel) om lidn Uzbekistanan suvipäivnouzmas. Se om valdkundan koumanz' lidn eläjiden lugun mödhe, Namanganan agjan administrativine keskuz (vspäi 1941).
Valdkund | Uzbekistan |
Eläjiden lugu (2017-10-01) | 597,400 ristitud |
Pind | 145 km² |
Telefonkod | +998−6922 |
Aigvö | UTC+5 |
Istorii vajehta
Nügüdläine eländpunkt mainitaškanzihe 15. voz'sadan lopuspäi. Se sai lidnan statusad vl 1610. Vl 1912 raudte ühtenzoiti lidnad Kokandanke. Vl 1926 lidn eli lujas manrehkaiduses läbi.
Namangan šingotase sömtegimištol i puvillan ümbriradmižel.
Geografijan andmused vajehta
Lidn sijadase agjan päivnouzmas, Ferganan alangišton pohjoižes, 476 m ü.m.t. keskmäižel korktusel. Matkad Kirgizstanhasai om 20 km lodeheze vai pohjoižpäivnouzmha orhal, Taškent-pälidnhasai om 200 km lodeheze orhal vai 300 km avtotedme.
Eläjad vajehta
Vl 2011 eläjiden lugu oli 451 tuhad ristituid. Edel 2016 vot lidnan pind oli 101,5 nellikkilometrad, sid' mülütihe ezilidnoid, i ristitišt ližadui läz 90 tuhad eläjid. Kaikiš suremb lidnan ristitišt om nügüd'.
Nened professionaližen opendusen aluzkundad ratas lidnas: Namanganan valdkundaline universitet (vspäi 1942, 5,4 tuhad üläopenikoid vl 2017), pedagogine institut, inženeriž-tehnologine institut, kümne kolledžad.
Islaman 270 pühäpertid (vn 1997 andmused) i hristanuskondan koume jumalanpertid oma avaitud lidnas.
Transport vajehta
Avtobusad da maršruttaksid oma kundaližeks transportaks lidnas. Namangan-raudtestancii radab lidnan keskuses.
Namanganan rahvahidenkeskeine civiline lendimport (NMA / НМГ) sijadase 12 km keskusespäi lidnan päivlaskmaiženno röunanno. Tehtas reisid Taškentha i Venäman järedoihe lidnoihe.
Homaičendad vajehta
Irdkosketused vajehta
- Lidnan da sen agjan oficialine sait (namangan.uz). (uzb.) (ven.)
Namangan Vikiaitas |