Must kuz'

Must kuz'
Must kuz'
Tedoklassifikacii
Valdkund: Kazmused Palakund: Kavag'kazmused (Pinophyta) Klass: Kavag'kazmused (Pinopsida) Kund: Pedaižed (Pinales) Sugukund: Pedaižed (Pinaceae) Heim: Kuz' (Picea) Erik: Must kuz'
Latinankel'ne nimi
Picea mariana Mill., Britton, Sterns & Poggenburg
Areal
Sistematik Vikierikoiš Kuvad Vikiaitas ITIS 183302 NCBI 3335

Must kuz' (latin.: Picea mariana) om kuzen levitadud erik.

Leviganduz

Kazvab kavag'mecoiš Kanadadme, AÜV:oiden Aläskas i pohjoižpäivnouzmaižiš štatoiš. Putub segoitadud mecas harvoin lujas.

Londuses voib säta gibridoid lähembaižidenke erikoidenke, ned oma rusked kuz' (Picea rubens) i harvemba hahksinine kuz' (Picea glauca).

Kazvatadas dekorativižeks kazmuseks Evropas 18. voz'sadaspäi, Venämas 19. voz'sadan keskespäi. Kul'turas pud oma korktemb tobjimalaz, kron om pehmdamb. Erikon liliputal'ne form (Picea mariana Nana) om levitadud mugažo, se om pol'metrad kortte.

Ümbrikirjutand

Täuz'kaznuden pun korktuz om 7..15 metrad i 30 metrhasai, tüven sanktuz — 15..50 sm, rippub klimatan arvoimižišpäi.

Kor' om hoik, hahkkoričman mujun. Kavag' om 6..15 mm pitte, sinižvihand i vihand. Käbud oma kaikiš penembišpäi kuzen heimos, 2,5..4 sm pitte i 1..2 sm levette, niiden muju vajehtase ruskedkoričmaspäi ruskedsinižhesai.

Kävutand

Mustan kuzen pumaterial om vahv i notked, sen vahvuz om korged tazomäraižen fakturan oksita tagut.

Tehtas meloid ujumha venehel. Ende ottihe pumaterialaks lendimiden sauvondan täht, tegihe purehlaivoiden pall'ast südäimes rangoutad.