Mouchein

Mouchein
Moucheinän Atriplex patula-erik kukruzan pöudonno
Tedoklassifikacii
Valdkund: Kazmused Palakund: Änikkazmused (Magnoliophyta) Klass: Kaksidülehtesižed (Dicotyledones) Kund: Uniheinänikoižed (Caryophyllales) Sugukund: Amarantižed (Amaranthaceae) Heim: Mouchein
Latinankel'ne nimi
Átriplex L., 1753, nom. cons.
Sistematik Vikierikoiš Kuvad Vikiaitas ITIS 20505 NCBI 3550

Mouchein (latin.: Atriplex), mugažo Babuhein i Porohein paginoiš, om üks'voččiden i äivoččiden heinäsižiden kazmusiden, pol'penzhiden i penzhiden heim. Kogoneb 258 erikospäi. Mülütadas Amarantižed-sugukundha.

Leviganduz

Heimon erikod kazdas molembiden mapoliškoiden venos i tropižes vöiš. Enamba kaiked erikod om Pohjoižamerikan AÜV:oiden keskusen i päivlaskman štatoiš i Avstralijan südäirajoniš. Läz 15 erikod kazdas Venämas.

Navedib pustolänid, randoid i vanoid, putub solačuil.

Ümbrikirjutand

Lapačuikahad lehtesed čereduišoiš päiči severziš-se alahaižiš erasti. Änikod oma ühten sugun ühtel kazmusel. Hobedakahad hibusuded kattas moucheinäd paksus, ka kazmuz nägub aniku mouckivel putkotadud.

Kävutand

Semetas puhtastamha mahust solaspäi. Lehtesed kogotas azotad. Heimon äjad erikod oma södabad. Ottihe moucheinäd ližasömkazmuseks näl'gan aigan, eriližešti Atriplex hortensis-erikod.

Mezjäižed ottas moucheinäd heid'oman purtkeks kezan kahtendel polel i sügüzel.

Valitud erikod

• Atriplex cana — Hobedakaz mouchein
• Atriplex patula — Järgeline mouchein
• Atriplex fera — Mecmouchein
• Atriplex hortensis — Sadmouchein, heimon tipine erik.
• Atriplex longipes — Pit'k mouchein
• Atriplex sagittata — Tomaranvuitte mouchein
• Atriplex tatarica — Tatarine mouchein