Kurortan rajon (Piter)
Kurortan rajon (ven.: Курортный район) om rajon Piteriš. Sijadase regionan lodehližes palas Suomen lahten pohjoižel randal. Nece om Piterin kaikiš suremb rajon territorijan mödhe.
Istorii vajehta
Vl 1946 panihe Sestroreckan i Kurortan rajoniden alust. Vn 1959 semendkul ühtištuihe niid, i vhesai 1994 nimitihe rajonan Sestroreckijaks. Vl 1989 sätihe Zelenogorskan rajonad. Vspäi 1994 ühtištudud rajon om olmas nügüdläižiš röunoiš i nimitase Kurortan rajonaks.
Geografijan andmused vajehta
Rajonan pind om 267,92 nellikkilometrad. Se vedase 50 kilometrad pidust' lahted kuz'..kahesakilometrižel šoidul. Puištod da sod ottas territorijan tobmad palad.
Röunatab nenidenke rajonidenke:
- Leningradan agjan Viipurin rajon levigandeb pohjoižes,
- Leningradan agjan Vsevoložskan rajon om pohjoižpäivnouzmas,
- Piterin Viipurin rajon i Merenrandaine rajon sijadasoiš suvipäivnouzmas.
Sestroreck- (administracijan sijaduz) i Zelenogorsk-lidnad mülüdas Kurortan rajonha, mugažo nened ühesa žilod: Beloostrov, Komarovo, Molodöžnoje, Pesočnii, Repino, Serovo, Smoläčkovo, Solnečnoje i Uškovo.
Eläjad vajehta
Vn 2010 Venäman rahvahanlugemižen mödhe eläjiden lugu oli 70 589 ristitud. Kaik 82 613 ristitud elihe rajonas vl 2021. Kaikiš suremb ristitišt om nügüd'.
Rajonan administracijan pämez' om Aleksandr Zabaikin vn 2020 tal'vkuspäi. Edeline rajonan administracijan pämez' om Natal'ja Čečina (viluku 2019 — kül'mku 2020).