Zelenogorsk (Piter)

Zelenogorsk (ven.: Зеленого́рск, suom.: Terijoki) om Venäman kurortlidn Piterin administrativižiš röunoiš. Se mülüb Kurortan rajonha.

Zelenogorsk
Зеленогорск

Lidnanznam	Flag
Valdkund	Venäma
Eläjiden lugu (2023)	15,492 ristitud
Pind	2,1 km²
Pämez'	Dmitrii Čečin (reduku 2022—)
Telefonkod	+7−812-xxx-xx-xx
Avtokod	78, 98, 178, 198
Aigvö	UTC+3 (MSK+0)

Sil sanal voib olda toižid znamoičendoid; miše nähta niid, tulgat tänna.

Istorii

Eländpunkt mainitase ezmäižen kerdan vl 1548. Lidnan enzne (vhesai 1948) i tutab nimi om Terijoki (ven.: Терио́ки / Терийо́ки, ročinkel'ne toižetadud nimi suomen tervajoki sanaspäi, znamoičeb «tervasjogi»). Vozil 1939−1940 Tal'vsodan aigan se oli pandud mantazole. Žilo sai lidnan statusad vl 1946.

Mülütihe Piterihe Zelenogorskan rajonanke vl 1994. Vspäi 1997 Zelenogorsk om eriline municipaline lidnalaine ühtnik Piterin Kurortan rajonas.

Zelenogorsk šingotaze turizman da lebun edheotandoil, «Avtomatika»-tegimel (elektrotehnižed ohjanduzlaudad).

Geografijan andmused

Lidn sijadase pidust' Suomen lahten randad. Matkad Piterin Suomen päraudtestancijhasai om 50 km päivnouzmha-suvipäivnouzmha. Lähembaine lidn om Piterin regionan Sestroreck suvipäivnouzmha.

Ühtennimine raudtestancii radab lidnas, saudihe vl 1869 i udesnimitihe lidnanke ühtes.

Eläjad

Vn 2010 Venäman rahvahanlugemižen mödhe lidnan eläjiden lugu oli 14 958 ristitud. Kaik 15 136 eläjad oli lidnas vl 2017. Kaikiš suremb lidnan ristitišt oli 16 206 eläjad vl 1970.

Ortodoksižen hristanuskondan viž pühäpertid oma saudud lidnas: koume jumalanpertid i kaks' časounäd. Niiden ližaks Spasan Londuseližen Mel'kuvan jumalanpert' kaumžomas ei ole kaičenus.

Professionaližen opendusen aluzkundad ratas lähembaižiš lidnoiš.

Municipaližen ühtnikan pämez' om sen nevondkundan ezimez'. Edeline ühtnikan pämez' om Boris Semenov (sügüz'ku 2016 — viluku 2022).

Galerei

• 

  Sijaline administracii, lugendlehtesen redakcii i norišton «Snaiper»-keskuz (2010)

• 

  Jumalanmaman Kazanin jumalaižen pühäpert' (ortodoksine hristanuskond), vn 2009 nägu

• 

  «Baltiiskii bereg»-sanatorijan päkorpus (2010, «Baltijan rand»)

• 

  Poliklinik nomer 69 vl 2010

• 

  Zelenogorsk-päraudtestancijan sauvuz vl 2012

Irdkosketused

• Lidnan sijaližen tobmuden oficialine sait (зеленогорск.спб.рф). (ven.)
• Informacine sait lidnan istorijas (terijoki.spb.ru). (ven.)