Kassel' (saks.: Kassel [ˈkasl̩], edel 1926. vot kirjutihe Cassel) om lidn Saksanman keskuzpalas, Gessen-federacijanman pohjoižes.

Kassel'
Kassel
 Lidnanznam
 Flag
Valdkund Saksanma
Eläjiden lugu (2018) 200,736 ristitud
Pind 106,8 km²
Kassel' Kassel
Pämez' Kristian Gezele
(heinku 2017—,
Christian Geselle)
Telefonkod +49−561
Aigvö tal'vel UTC+1,
kezal UTC+2


Lidnan ümbrikod (2010)
Lidnan tobmuden pert' vl 2011

Istorii vajehta

Hassel-lidnusen ezmäine mainitez datiruiše vl 913. Ezimeletaden saksan Chassela-nimituz sündui latinan kelen Castellum Cattorum-sanoišpäi, mi znamoičeb «hattoiden lidnuz», saksalaine hattad-heim eli enččel. Eländpunkt sai lidnan oiktusid vl 1189.

16. voz'sadaspäi Kassel' oli kal'vinistoiden lidnaks kesked katoližid saksalaižid ruhtinazkundoid. Toižen mail'man sodan aigan vn 1943 22. da 23. päivil redukud öl 569 britaništ lendint panihe mantazole lidnan keskusen ühesa kümnendest, 10 tuh. ristituid pölištuihe, 150 tuhad jäihe koditomikš. Lidnan keskuz om saudud 1950-nziden voziden stiliš.

Geografijan andmused vajehta

Lidn seižub Ful'd-jogen randoil (saks.: Fulda, Vezeran bassein), hural randal tobman palan. Kassel' sijadase 133..166 m ü.m.t. korktusil tobjimalaz, 615 metrhasai (Hohes Gras-čokkoim). Lähembaine sur' lidn om Göttingen 40 km pohjoižpäivnouzmha.

Vspäi 2013 Vil'gel'mshöe-mägipuišt (saks.: Bergpark Wilhelmshöhe 2,4 km² pindal) mülüb UNESCO:n mail'man jäl'gusen nimikirjuteshe.

Kassel' jagase 23 administrativižeks ümbrikoks (saks. Ortsbezirk).

Eläjad vajehta

Vl 2013 eläjiden lugu oli 194 087 ristitud. Kaikiš suremb lidnan ristitišt oli 225 694 eläjad vl 1943, mugažo 215 039 eläjad vl 1971 sodan jäl'ghe.

Lidnan edeline pämez' oli Bertram Hil'gen (2005−2017).

Transport vajehta

Avtobusad, tramvaid da jogitaksid oma kundaližeks transportaks lidnas.

Kassel'-Vil'gel'mshöe-raudtestancii om «GannoverVürcburg»-kiruhraudtel, mugažo päraudtestancii om olmas.

Irdkosketused vajehta