Gubkinskii

Gubkinskii
Губкинский
Lidnanznam;	Flag;
Valdkund	Venäma
Eläjiden lugu (2017)	27,238 ristitud
Pind	35 km²
Pämez'	Andrei Garanin; (reduku 2018—)
Telefonkod	+7−34 936-xx-xxx
Avtokod	89
Aigvö	UTC+5 (MSK+2)

Gubkinskii (ven. i tot.: Губкинский, ukr.: Губкінський) om Venäman lidn da lidnümbrik Jamalan Nenciden avtonomižen ümbrikon päivnouzmas. Se om ümbärtud Puran rajonan territorijal.

IstoriiRedigeeri

Eländpunktan aluz om pandud vn 1986 22. päiväl sulakud keskuseks otmaha kävutamižhe kivivoin da sen gazan kaikiš pohjoižembiden löudmižsijiden gruppad Päivlaskmaižes Sibiriš. Nimitihe nevondkundaližen Ivan Gubkin-geologan kanzannimen mödhe, hän endusti Päivlaskmaižen Sibirin kivivoid.

Gubkinskii-žilo sai lidnan statusad vl 1996. Se šingotase kivivoin («Rosneft'»-kompanijan «PN-Purneftegaz»-alajaguz) i gazan («Gazprom») samižel. Vaumitas kivivoin gazad da sadas sišpäi benzinad Gubkinskijan gazanümbriradajal tegimel («SiburTümen'Gaz»).

Geografijan andmusedRedigeeri

Lidn sijadase Päkupur-jogen hural randal (542 km pitte, Puran hura joginišk), 55 m ü.m.t. keskmäižel korktusel, mectundran zonas. Matkad Salehardhasai om 512 km lodeheze orhal vai 890 km avtotedme. Lähembaine lidn om Tarkosale 95 km pohjoižpäivnouzmha avtol. Lähembaine raudtestancii sijadase Purpe-žilos 16 km pohjoižpäivnouzmha.

Gubkinskii om lidnümbrikon üks'jäine eländpunkt.

EläjadRedigeeri

Vn 2010 kaiken Venäman rahvahanlugemižen mödhe eläjiden lugu oli 23 335 ristitud. Kaikiš suremb lidnan ristitišt oli 27 346 eläjad vl 2016. Ortodoksižen hristanuskondan pühäpert' i islaman mečet' oma olmas lidnas.

Rahvahad (enamba 0,8% vl 2010): venälaižed — 60,8%, ukrainalaižed — 12,0%, totarlaižed — 7,1%, baškiralaižed — 3,5%, vaugedvenälaižed — 2,4%, kumikad — 1,7%, moldovalaižed — 1,6%, azerbaidžanlaižed — 1,0%, čuvašalaižed — 0,9%, toižed rahvahad — 7,9%, rahvahuden ozutandata — 1,1%.

Muravlenkon äiprofil'žen kolledžan filial om professionaližen opendusen aluzkundaks.

GalereiRedigeeri

Ird lidnas (2013)
Piccerii vl 2013
Udmurtijan valdkundaližen universitetan filial Gubkinskii-lidnas (2015)
Purpe-žilon raudtestancijanno vl 2013

HomaičendadRedigeeri

IrdkosketusedRedigeeri

Gubkinskii Vikiaitas

	Jamalan Nenciden avtonomižen ümbrikon lidnad
	Gubkinskii \| Labitnangi \| Muravlenko \| Nadim \| Nojabr'sk \| Salehard \| Tarkosale \| Uz' Urengoi

Lidnanznam	Flag
Valdkund	Venäma
Eläjiden lugu (2017)	27,238 ristitud
Pind	35 km²

Pämez'	Andrei Garanin (reduku 2018—)
Telefonkod	+7−34 936-xx-xxx
Avtokod	89
Aigvö	UTC+5 (MSK+2)