Fortalez
Fortalez (port.: Fortaleza [foʁtaˈlezɐ] «lidnuz», sijaline virkand [fɔɦtaˈlezɐ]) om lidn Brazilijan pohjoižpäivnouzmas. Se om valdkundan videnz' lidn eläjiden lugun mödhe, Sear-štatan administrativine keskuz (vspäi 1799).
Lidnanznam |
Flag |
Valdkund | Brazilii |
Eläjiden lugu (2021) | 2,703,391 ristitud |
Pind | 312,35 km² |
Pämez' | Hose Sarto (viluku 2021—, José Sarto) |
Telefonkod | +55−85 |
Aigvö | UTC−3 |
Istorii vajehta
Eländpunktan aluz om pandud vn 1726 13. päiväl sulakud. Šingotihe kut puvillan kazvatandan agjan keskuz 19. voz'sadal.
Fortalez šingotase sömtegimištol, farmaceftikan edheotandoil, kivivoin ümbriradmižel, kengiden i sobiden tehmižel, turizmal.
Geografijan andmused vajehta
Lidn sijadase Atlantižen valdmeren randal, 21 m ü.m.t. keskmäižel korktusel. Matkad Brazilia-pälidnhasai om 2285 km suvipäivlaskmha.
Klimat om ekvatorialine kaks'sezonine tropižen savannan. Il'man päiväline lämuz vajehtase +23..+30 C° röunoiš vodes läbi, meritullei poleneb räkad. Ekstremumad oma +17,7 C° (eloku) i +35,2 C° (tal'vku, viluku, uhoku). Paneb sadegid 1584 mm vodes, enamba keväz'kus (337 mm) i sulakus (385 mm), kuiv sezon oleskeleb elokus-kül'mkus (10..20 mm kus).
Eläjad vajehta
Vl 2010 lidnan eläjiden lugu oli 2 452 185 ristitud. Läz 4,15 mln ristituid elädas lidnaglomeracijas 7440,05 km² pindal (2021, kudenz' sija valdkundas). Kaikiš suremb lidnan i sen aglomeracijan ristitišt om nügüd'.
Religijan mödhe (lidnan eläjad, 2010): riman katolikad — 67,9 %, protestantad — 21,3 %, religijatomad — 6,6 %, spiritistad — 1,3 %, toižed uskojad — 2,9 %.
Edeline lidnan pämez' (port.: prefeito) om Roberto Klaudio (Roberto Cláudio, viluku 2013 — tal'vku 2020).
Transport vajehta
Avtobusad, metropoliten (vspäi 2012, kaks' jonod, 30 stancijad, 43 km raudted) i lidnelektrojonuz (10 stancijad) oma kundaližeks transportaks lidnas.
Rahvahidenkeskeine soda- da civiline Fortalez-lendimport Pintu Martins-lendajan nimed[1] (FOR / SBFZ, 7,2 mln passažiroid vl 2019) sijadase ühesas kilometras lidnan keskuzpalaspäi. Tehtas reisid Lissabonha i Parižha, mugažo Brazilijan surihe lidnoihe.
Homaičendad vajehta
Irdkosketused vajehta
Fortalez Vikiaitas |