Dar Es Salam

Dar Es Salam (suah. i angl.: Dar es Salaam, anglijan virkand [ˌdɑːr ɛs səˈlɑːm]) om Tanzanijan kaikiš suremb lidn da meriport, ekonomine i diplomatine pälidn.

Dar Es Salam
Dar es Salaam (suah. i angl.)

Valdkund	Tanzanii
Eläjiden lugu (2016)	4,715,000 ristitud
Pind	1,393 km²
Pämez'	Isaja Mvita Čarl'z (keväz'ku 2016—, Isaya Mwita Charles)
Telefonkod	+255-(0)22
Aigvö	UTC+3

Lidnan nägu vn 2022 keväz'kus

Istorii

Eländpunktan aluz om pandud vl 1862 kalanikoiden Mzizim-külänno (angl.: Mzizima) kuti Zanzibaran sultanan pert'kulu. Nimituz znamoičeb «kožundan kodi» araban kelel. Vhesai 1993 Dar Es Salam oli valdkundan oficialižeks pälidnaks. Verhiden maiden äjad sur'oigenduzkundad oma lidnas, Tanzanijan bank i Dar Es Salaman birž (DSE).

Dar Es Salam šingotase eksportan meriportal, torguindal, turizmal i finansoiden sarakol. Tegimišton znamasižed sarakod oma sauvond, söndtavaroiden pästand, kebn tegimišt (tekstiline, kengäd, käzitöiden edheotandad).

Geografijan andmused

Lidn sijadase valdkundan päivnouzmas, Indižen valdmeren lahten randal, 12 m ü.m.t. keskmäižel korktusel. Matkad Dodom-pälidnhasai om 460 km päivlaskmha avtotel vai raudtedme.

Klimat om tropine neps valdmeren i ekvatoran lähembusen tagut. Päivän lämuz om +21..+31 C° vodes läbi, ekstremumad oma +13 C° i +35 C°. Paneb sadegid 1150 mm vodes, vähemba heinkus-sügüz'kus (23..26 mm kus). Oleskeleb kaks' vihmsezonad.

Dar Es Salaman agj jagase videks ümbrikoks.

Eläjad

Vn 2012 Tanzanijan rahvahanlugemižen mödhe lidnan-agjan eläjiden lugu oli 4 364 541 ristitud. Kaikiš suremb ristitišt om nügüd'. Läz 6,4 mln ristituid elädas ezilidnoidenke (2020).

Irdkosketused

• Dar Es Salaman agjan oficialine sait (dsm.go.tz). (suahili) (angl.)