Dašoguz (turkmen.: Daşoguz, edel 1999 vot kävutihe Dašhovuz-nimed i sen venäkelišt Tašauz-nimitust) om lidn Turkmenistanan pohjoižes. Se om ühtennimižen agjan administrativine keskuz.

Dašoguz
Daşoguz
Valdkund Turkmenistan
Eläjiden lugu (2010) 245,872 ristitud
Telefonkod +993−322-xx-xxx
Aigvö UTC+5

Istorii vajehta

Eländpunktan aluz om pandud vl 1681 Hivan hankundha kuti lebun sija Šuuktel, Dašhovuz-karavansarai. Mülüb Turkmenijha vspäi 1924 ümbrikon, sid' agjan keskuseks.

Dašoguz šingotase söm- da tekstil'tegimišton (sijaližel torhudel) edheotandoil, sauvondmaterialiden sarakol, turizmal.

Geografijan andmused vajehta

Lidn sijadase 88 m keskmäižel korktusel valdmeren pindan päl, Šavat-kanalan molembil randoil (irrigacine sarak Amudarjaspäi). Kanal jagab lidnan pohjoižpalaha i suvipalaha. Matkad Uzbekistanan röunhasai om 10 km pohjoižpäivnouzmha (Karakalpakii) vai 6 km suvipäivnouzmha (Horezman agj), Ašgabathasai om 630 km suvhe. Lähembaižed järedad lidnad oma Uzbekistanas, Nukus (100 km) i Urgenč (68 km).

Klimat om räk kontinentaline. Heinkun lämuz om +28,3 C°, vilukun — −3,6 C°, voden keskmäine lämuz +12,8 C°. Paneb sadegid 100 mm vodes.

Eläjad vajehta

Vl 2004 lidnan eläjiden lugu oli 210 tuhad ristituid. Kaikiš suremb ristitišt om nügüd'.

Professionaližen opendusen aluzkundad: Maižandusen institut, medicinine i pedagogine školad, profškolad.

Transport vajehta

Avtobusad, maršruttaksid, municipaližed i privatižed taksid oma kundaližeks transportaks. Päraudtestancii om olmas lidnas.

Civiline Dašoguz-lendimport (TAZ) sijadase 15 km suvipäivlaskmha lidnan keskusespäi. Se radab vaiše tatanmaižiden reisiden täht.

Homaičendad vajehta