Nukus

Nukus (mugažo uzbekan kelel, karak.: Нөкис / Nókis) om lidn Uzbekistanan lodehes. Se om valdkundan kudenz' lidn eläjiden lugun mödhe, Karakalpakan Tazovaldkundan pälidn.

Nukus

Lidnanznam
Valdkund	Uzbekistan
Eläjiden lugu (2018)	312 100 ristitud
Pind	222 km²
Pämez'	Utemurat Panaev (kül'mku 2020—, velgusentäutai)
Telefonkod	+998−61
Aigvö	UTC+5

Istorii

Ende Šurč-lidnuz oli olmas lidnan territorijal (4. voz'sada EME — 4. voz'sada meiden erad). Nügüdläižen eländpunktan aluz om pandud 1860-nzil vozil kuti Nukus-aul, nimitihe karakalpaklaižiden sijaližen heimon mödhe. Amuine mongoline lidnuz oli udessaudud, i vspäi 1874 Venäman imperijan garnizon pol'tošt tuhad mehenke sijazihe siš. Om lidnan statusanke vspäi 1932. Saudihe tazovaldkundan uzid administrativižid pertid vodele 1939, sen pälidnan radnikad sirtihe Nukusha Turtkul'-lidnaspäi.

Nukus šingotase sauvondmaterialiden edheotandoil (pertinsauvondan tegim, mramoran, betonan i savičun pästand), erazvuiččel sömtegimištol, kebnan tegimišton kompanijoil (hoban, trikokanghiden i omblendan fabrikad), metallurgijal.

Geografijan andmused

Lidn sijadase Turkmenistanan röunanno, Amudarjan oiktal randal, 76 m keskmäižel korktusel valdmeren pindan päl. Matkad Taškenthasai om 800 km suvipäivnouzmha orhal vai 1255 km avtotedme.

Klimat om terav kontinentaline, keza om räk.

Eläjad

Vl 2010 eläjiden lugu oli 271 400 ristitud. Kaikiš suremb ristitišt om nügüd'.

Lidnan edeline pämez' om Parahat Turešev (kül'mku 2017 — kül'mku 2020).

Irdkosketused

• Lidnan oficialine sait (nukus.uz). (uzb.)