Džalal-Abad

Džalal-Abad (kirg.: Жалал-Абад, ven.: Джалал-Абад, uzb.: Jalolobod) om lidn da kurort Kirgizstanan päivlaskmas. Se om valdkundan koumanz' lidn eläjiden lugun mödhe, Džalal-Abadan agjan administrativine keskuz (vspäi 1991).

Džalal-Abad
Жалал-Абад (kirg.)
Джалал-Абад (ven.)

Lidnanznam	Flag
Valdkund	Kirgizstan
Eläjiden lugu (2017)	109,200 ristitud
Pind	24,6 km²
Pämez'	Muratali Tagaev (kezaku 2018—)
Telefonkod	+996-(0)3722
Aigvö	UTC+6

Istorii

Eländpunktan aluz om pandud vl 1870 kuti kišlak tervehtajidenno purtkidenno. Se sai lidnan statusad vl 1877. Raudte ühtenzoiti lidnad Andižananke vl 1915. Vll 2002−2008 oficialine nimituz oli Žalalabat (kirg.: Жалалабат).

Džalal-Abad šingotase kivivoin i mecan ümbriradmižel, puvillan kuidun pästandal, sauvondmaterialiden tehmižel (mouckiven samine, savičtegim), mašinansauvomižel (pompad), sömtegimištol (jauh, vin), tabakon edheotandoil, mugažo mebel'fabrik radab.

Geografijan andmused

Lidn sijadase agjan suves, Ferganan alangištonno, Tän'-Šan'-mägisel'gan ezimägištol, 763 m ü.m.t. keskmäižel korktusel. Matkad Biškek-pälidnhasai om 560 km pohjoižpäivnouzmha.

Eläjad

Vn 2009 Kirgizstanan rahvahanlugemižen mödhe eläjiden lugu oli 89 004 ristitud. Kaikiš suremb lidnan ristitišt om nügüd'.

Rahvahad (2009): kirgizlaižed — 74,7%, uzbekad — 18,0%, venänikad — 3,4%, totarlaižed — 1,2%, uigurad — 0,6%, toižed rahvahad — 2,1%.

Džalal-Abadan valdkundaline universitet radab lidnas.

Irdkosketused

• Lidnan uzištused turmush.kg-saital. (kirg.) (ven.)