Armstrong Lui
Lui Armstrong (angl.: Louis Armstrong, psevdonimad Louie, Satchmo, Pops; sünd. 4. eloku 1901, Uz' Orlean, Luizian, AÜV — kol. 6. heinku 1971, Nju Jork, Nju Jork-štat, AÜV) oli amerikalaine torvenvändai, pajatai (bariton, bas-profundo) i ansamblin ohjandai, edesti sädusid džazan stiliš. Tegi äjan džazan i amerikaižen popmuzikan populärizacijan täht mail'madme. Elon aigan om pästtud 55 platad hänen änetusidenke. Edesti anglijan kelel. Kirjuti iče enamba 50 pajod, äjad kändihe džazan klassikaks.
| Armstrong Lui | |
| angl.: Louis Armstrong | |
 Lui Armstrong vl 1953 | |
| nimi sündundan jäl'ghe: |
angl.: Louis Daniel Armstrong |
|---|---|
| radmižen toižend: |
akt'or, street artist, trompetist, bandleader, dirigent, džässmuusik, pajatai, filmimuusika helilooja, filminäitleja, laulukirjutaja, raadiosaatejuht, salvestusmuusik, kirjutai |
| sündundan dat: | |
| sündundan sijaduz: |
Uz' Orlean, Louisiana[d], Amerikan Ühtenzoittud Valdkundad[4][5] |
| valdkund: | |
| kolendan dat: | |
| kolendan sijaduz: |
Corona[d], Queens[d], Nju Jork, New Yorgi osariik[d], Amerikan Ühtenzoittud Valdkundad |
| avtograf: |
|
| sait: | |
 Armstrong Lui VikiAitas | |
Kaikiš tetabambad kompozicijad oma «Stardust», «When The Saints Go Marching In», «Dream a Little Dream of Me», «Ain't Misbehavin'», «You Rascal You», «Stompin' at the Savoy», «We Have All the Time in the World», «Hello, Dolly!», «What a Wonderful World».
Biografii
vajehtaLui Armstrong oli sündnu Uden Orleanan goll'hä rajonha i kanzha. Uil'jam Armstrong-tat okai pereht Lui-vagahaižen aigan völ. Meri Albert-mam radoi prostitucijan sferas, i andoihe Luid norembaiženke Beatris-sizarenke kazvatamha Džozefin-babale. Meri oti lapsid tagaz, pidi hol't heiš tarkuseta, no kazvati Beatrisad täudehe ighäsai.
Lui toi kivihil't i möi lugendlehtesid lapsessai. Seičemevozne prihaine abutaškanzi kivihilen Karnoffski-torgovanoiden kodiš, hö oliba evrejalaižed immigrantad Litvanmaspäi i kändihe prihan kazvatajikš. Üks'toštkümnevozne Lui eli se maman udes kanzas, se tatan udes kanzas. Vl 1914 priha vändaškanzi kornetal irdansambliš i edesti muzikad ičeze elon lophusai.
Kanz
vajehtaMuzikant oli naižiš nell' kerdad, no üks'jäine Šeron Preston-Folta-laps' om sündnu naindan irdpolel.
Valitud diskografii
vajehtaOriginaližed al'bomad
vajehta- 1944 — «Jazz Classics» (Klassine džaz)
- 1951 — «Satchmo at Symphony Hall» (Satčmo Simfoni-hollas)
- 1951 — «Satchmo at Pasadena» (Satčmo Pasadenas)
- 1954 — «Louis Armstrong Plays W.C. Handy» (Lui Armstrong edestab U.K. Hendi:n sädusid)
- 1954 — «Louis Armstrong and the Mills Brothers, Volume One» (Lui Armstrong i «Mills Brothers», tom 1)
- 1956 — «Satchmo the Great» (Satčmo om Sur')
- 1956 — «Ella and Louis» (Ella i Lui)
- 1957 — «Louis Under the Stars» (Lui tähthiden al)
- 1959 — «The Five Pennies» (Viž pennid)
- 1964 — «Hello, Dolly!» (Holl'oo, Dolli!)
- 1968 — «The One and Only» (Ezmäine da üks'jäine)
- 1970 — «What a Wonderful World» (Mitte čomakulu mail'm)
Homaičendad
vajehta- ↑ 1,0 1,1 Deutsche Nationalbibliothek Record #118504053 // Integrated Authority File — 2012—2016.
- ↑ 3,0 3,1 Czech National Authority Database
- ↑ 4,0 4,1 4,2 Find a Grave — 1996.
- ↑ Southern E. Biographical Dictionary of Afro-American and African Musicians — Greenwood Publishing Group, 1982.
- ↑ https://zkm.de/en/person/louis-armstrong
- ↑ Gran Enciclopèdia Catalana — Grup Enciclopèdia, 1968.