Arad (Romanii)

Arad (mugažo romanijan i mad'jaran kelil, rom. virkand [aˈrad]) om Romanijan lidn valdkundan päivlaskmaiženno röunanno Mad'jaranmanke. Se om valdkundan 12nz' lidn eläjiden lugun mödhe, Aradan ümbrikon administrativine keskuz.

Arad

Lidnanznam	Flag
Valdkund	Romanii
Eläjiden lugu (2011)	159,704 ristitud
Pind	46,18 km²
Pämez'	Laurenciu Kelin Bibarc (2020−2024, Laurenţiu Călin Bibarț)
Telefonkod	+40-(0)257
Aigvö	tal'vel UTC+2, kezal UTC+3

Istorii

Eländpunkt mainitase vspäi 1078. Vll 1551−1699 mülüi Ottomanan imperijha.

Arad šingotase mašinansauvomižel, tekstil'tegimištol i sömän pästandal. Om kengiden, meblin, himikatoiden i sauvondmaterialiden edheotandoid.

Geografijan andmused

Lidn sijadase Maroš-jogen randal, 117 m ü.m.t. keskmäižel korktusel. Matkad Buharest-pälidnhasai om 422 km päivnouzmha-suvipäivnouzmha orhal vai 550 km avtoteidme. Lähembaine sur' lidn om Timišoar 48 km suvhe orhal vai 58 km avtol.

Klimat om ven kontinentaline. Voden keskmäine lämuz om +10,2 C°, heinkus-elokus +20 C°, −1..+1 C° tal'vkus-uhokus. Ekstremumad oma −25 C° i +38 C°. Paneb sadegid 422 mm vodes, enamba kezakus (63 mm).

Eläjad

Vn 2011 Romanijan rahvahanlugemižen mödhe lidnan eläjiden lugu oli 159 704 ristitud. Kaikiš suremb lidnan ristitišt oli 190 114 eläjad vl 1992.

Kaks' universitetad oma lidnas: kundaline Aradan universitet Aurel Vlaicun nimed (alusenpanend 1991, 7,3 tuh. üläopenikoid vl 2014) i privatine Aradan Päivlaskmaine universitet Vasile Goldišan nimed (alusenpanend 1990, 4,5 tuh. üläopenikoid vl 2020). Niiden ližaks severz'-se kolledžid oma professionaližen opendusen aluzkundoikš.

Irdkosketused

• Lidnan oficialine sait (primariaarad.ro). (rom.)