Viluhein
| Viluhein | ||||||||||||
|---|---|---|---|---|---|---|---|---|---|---|---|---|
 Hač (Caltha palustris) om Viluheinän tipine erik | ||||||||||||
| Tedoklassifikacii | ||||||||||||
|
||||||||||||
| Latinankel'ne nimi | ||||||||||||
| Cáltha L., 1753 | ||||||||||||
|
Viluhein (latin.: Caltha) om äivoččiden heinäsižiden kazmusiden heim, mülüb Vesnuhheinižed-sugukundha. Lugetas kümne vai sen enamba erikoid (nell'kümnehesai) heimos, sikš miše mülütadas erasid erikoid eriližihe heimoihe, sil-žo aigal koumen levitadud erikon toižetumižmahtuz om luja.
Latinine nimituz libub amuižgrekan κάλαθος-sanaspäi (kalathos) «mall'» änikon forman tagut.
Leviganduz vajehta
Heimon erikod oma levitadud Pohjoižen mapoliškon (Pohjoižamerik, Evrop, Sibir'), Andiden, Avstralijan i Uden Zelandijan venos vös, erased erikod elädas Arktikas. Viluheinäd kazdas sokhil tahondoil, luhtoil, jogiden i vezištoiden nepsoidme randoidme, om erikoid veden pindal.
Ümbrikirjutand vajehta
Jurišt kogoneb lühüdoiš koveritomiš jurišpäi. Seikh sarakoičese. Kazmuz oleleb 15..80 sm kortte. Ünäižed siledad lehtesed čereduišoiš.
Änikod oma kaks'suguižed, pakuižen vai vauktan mujun. Pölükad i petkloižed oma äiluguižed, išttas spiraližešti ühtel lapakol änikalusel. Üks'jäine änik vai niiden pen' lugumär ühtel kazmusel. Plod kogoneb lehtesenvuiččiš paloišpäi (2—5—12), ned avaitas pidust' südäipärmged.
Kävutand vajehta
Ištutadas erasid erikoid saduiš dekorativižeks kazmuseks, viluhein ei küzu äjad. Om sätud sadformid landšaftan dizainan täht.
Kävutadas viluheinän erikoid medicinas. Ottas marinuidud butonid sömäks.
Valitud erikod vajehta
- Caltha alba — Vauged viluhein
- Caltha leptosepala — Hoikäniklehtesine viluhein
- Caltha natans — Pohjoižamerikan ujui erik
- Caltha novae-zelandiae — Uden Zelandijan viluhein
- Caltha palustris — Hač, heimon tipine erik
- Caltha sinogracilis
Kacu mugažo vajehta
Homaičendad vajehta
| Viluhein Vikiaitas |