Vauged Pert'

Vauged Pert' (anglijan kelel: the White House) om Amerikan Ühtenzoittud Valdkundoiden Prezidentan oficialine rezidencii. Sen sijaduz om Vašingtonas (Kolumbijan ümbrikos), adres om Pensil'vanijanavenü, 1600.

Vauktan Pertin kompleksan ühthine nägu pohjoižespäi vn 2007 sulakus. Keskuz: Radonoigendai Rezidencii (1792−1800) pohjoižocseinänke (1829); huralpäi: Päuvnouzmaine suug (1942), oiktalpäi: Päuvlaskmaine suug (1901) Ovaliženke radhonusenke (1909) sen suvipäivnouzmaižes saumas.

Augotadihe sauvondad vodel 1792, lopihe 1800-nden voden 1. päiväl kül'mkud. AÜV:oiden kahtenz' prezident Džon Adams oli sen ezmäižen ižandan. Vauged Pert' oli kaikiden AÜV:oiden prezidentoiden rezidencii, päiči ezmäižes prezidentas Džordž Vašingtonas, kudamb oli valdas vodelpäi 1789 vodhesai 1797. 1812-nden voden elokul britanijalaižed sodaväged poltiba Vauktad Pertid, sütutandan jäl'ghe se om rekonstruiruidud da udištadud.

Vauged Pert' om palladianižen stilin sauvuz. Pertin arhitektor om Džeims Hoban. Kuz' žirud om siš: kaks' cokolišt, kaks' kundaližiden vasthaotandoiden täht da kaks' Prezidentan kanzan täht. Prezident tegeb valdkundan ohjandusen töd Ovaližes radkabinetas — allekirjutab käskusiden projektid da vasttase ičeze ühtradnikoidenke da adivoidenke. Sase lendimportaspäi Pertihesai Marine One-punolendimel.

Lehtezmehiden kelel «Vauged Pert'»-termin om Ühtenzoittud Valdkundoiden Prezidentan administracijan sinonim (anologižešti: «Kreml'», «Jelisein pert'kulu» i m.e.).

Vauktan Pertin kuva om kaks'kümnedollarižel banknotal.

Galerei

• 
  Vauktan Pertin pohjoižpol'ne ocsein
• 
  Suvipol'ne ocsein
• 
  Vihand honuz
• 
  Pordhad
• 
  Logotip

Irdkosketused

• Vauktan Pertin oficialine sait (whitehouse.gov). (angl.)