Ul'traruskedsinine sädegoičend

Ul'traruskedsinine sädegoičend vai URS-sädeged (latin.: ultra «ülä», «röunoiden taga» + ruskedsinine) om elektromagnitine sädegoičend, kudamb otab spektran diapazonad nägujan i röntgensädegoičendoiden keskes. URS-sädegoičend lainhiden pidused oma 100..400 nm keskustas (7,5⋅10¹⁴..3⋅10¹⁶ Hc).

Päiväižen ul'traruskedsinine sädegoičend

Avaiduz

Löutihe IR-sädegoičendad vl 1800, i saksalaine Iogann Vil'hel'm Ritter-fizikantedomez' (1776−1810) zavodi sädegoičendan ecmižid nägujan spektran vastal'žes poles, lainhiden pidusenke lühüdamb mi ruskedsinižel mujul. Vl 1801 hän löuzi, miše palastui vauktusen painegen al hobedan hlorid čihodab teravamba nägumatomas sädegoičendas spektran ruskedsinižen keskustan röunan taga. Löudmine tegihe znamasižeks fotografijan himižiden processiden sädandan täht.

Kävutand

Päiväine om URS-sädegiden päine purde Mal. Niiden sädegiden hätkeline paineg travib sil'mid i vedab organizmad mutacijoidennoks. URS-sädeged oma elektrobembles, ka ühthekeitajale piidab kaita sil'mid maskal specialiženke stöklanke.

Tehtas URS-lampoid fotobiologižen painegen täht, kävutandad oma antibakterialine paineg veden, kodiživatišton i honusiden täht, vauktuzkulk gavediden täht, ristitun ratud päivituz da D3-vitaminan sädand nahkas, lazerad, mujuiden terav kuivatez, polimeriden modifikacii.

Toižendad

Ul'traruskedsinižen sädegoičendan elektromagnitine spektr voib olda jagadud alagruppikš erazvuiččin. ISO:n standart päiväižen sädegoičendan märhapanendas (ISO-DIS-21348) andab nenid märhapanendoid:

Nimi	Lainhen piduz, nm	Paksuz, PHc	Fotonan energijan lugumär, eV	Lühenduz
Lähine	400..300	0,75..1	3,10..4,13	NUV
Ul'traruskedsinine A, pit'klainhine diapazon	400..315	0,75..0,952	3,10..3,94	UVA
Keskmäine	300..200	1..1,5	4,13..6,20	MUV
Ul'traruskedsinine B, kesklainhine diapazon	315..280	0,952..1,07	3,94..4,43	UVB
Edahaine	200..122	1,5..2,46	6,20..10,2	FUV
Ul'traruskedsinine C, lühüdlainhine diapazon	280..100	1,07..3	4,43..12,4	UVC
Ekstremaline	121..10	2,48..30	10,2..124	EUV, XUV

Lähižen ul'traruskedsinižen diapazonan toine nimi om «must vauktuz», sikš miše ristitun sil'm ei voi tundištada sidä, no kuvastuses erasiš-se materiališpäi spektr sirdase nägujan sädegoičendan diapazonha fotolüminescencijan nägusen tagut. Nimitadas «vakuumižeks» (VUV) edahašt i ekstremališt diapazonid sen täht ku Man atmosfer absorbiruib lujas niid lainhid.