Tučkovan sild

Tučkovan sild (ven.: Тучков мост) om koumekeskustaine metalline avaiduzsild raudbetonižil alusil Piteriš Penes Nevas päliči. Ühtenzoitab Petrogradan polen Sur't prospektad (Petrogradan rajon) Ühtendenke linijanke (Vasileostrovskii rajon). Biržan sild sijadase ülezjogen, Betankuran sild om saudud mödvedhe.

Tučkovan sild suvespäi vn 2022 kezakus

Ezmäine sild oli tehtud vl 1758 puspäi i pulloišpäi paloin kuti Nikol'skii-sild. Se oli kaikiš pidembaks Piterin sildaks (900 m). Vozil 1833−1835 avaiduzsild oli saudud puspäi täuzin. Vl 1870 paloi varaidmatomas pipkutandaspäi i oli saudud möst. Vl 1948 saudihe ut sildad teraraudbalkoišpäi, se oli 257 m pitte da 19 m levette. Nügüdläine sild om saudud raudbetonaspäi vozil 1962−1965, se om 226 m pitte da 36 m levette, sidä kesken kuz' avtoted 28 m ühthižel levedusel. Agjahižed keskustad oma 74,1 m pitte. Keskuzližen piduz om 53,4 metrad, libutase gidroajaimel. Vll 2016−2018 sild eli rekonstrukcijas läbi, vajehtihe keskustoid metalližikš. Avtod, tramvaid da jaugnikad kävutadas sildad.

Irdkosketused

• Tučkovan sild Piterin Mostotrestan saital (mostotrest-spb.ru). (ven.) (angl.) (kit.)

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.