Tijaižed

Tijaižed
Parus major-erikon tijaine
Tedoklassifikacii
Valdkund: Živatad Tip: Sel'gjäntkeižed (Chordata) Klass: Lindud (Aves) Heimkund: Pasklindunvuiččed (Passeriformes) Sugukund: Tijaižed
Latinankel'ne nimi
Paridae (Vigors, 1825)
Areal
Sistematik Vikierikoiš Kuvad Vikiaitas ITIS 178697 NCBI 9153

Tijaižed (latin.: Paridae) om pajolinduiden sugukund. Oma levitadud Pohjoižes mapoliškos i Afrikas päiči Saharas.

Parus major-tijaižen kida, Suomenma

Ümbrikirjutand

Terav lühüd n'ok i pän kontrasturui muju (erasti hahlakaz) erištadas linduid. Harakterižiden heimoiden erikon lindun hibj oleleb 10..16 sm pitte i 7..29 g vedutte.

Sötlesoiš semnil, pähkmil, gavedil, kerthuzil. Lindud pezoitelesoiš onziš tobjimalaz. Munimes oleleb 3..13 vauktad munad rusttoidenke läipidenke, ühten kezan tehtas kaks'-koume munint.

Elonlad

Tijaižed oma aktivižed judukahad kundaližed lindud. Kontaktiruidas kidoil-heikoil i pajoil. Adaptiruišoiš hüvin londusen erazvuiččiš arvoimižiš. Äjad erikod elädas ristitun pertiden ümbrištos, saduiš i puištoiš. Sügüzel da tal'vel kalaitas joukuil, ned kogotas tijaižen severziš-se erikoišpäi, Pasklindunvuiččed-heimkundan toižiden sugukundoiden erikoišpäi, i tikoišpäi. Pakaiždöil ličtas lumen alle puiden i penzhiden jurenno, vai ödudas onziš da toižiš peitsijiš.

Heimod

Kaik om 12 heimod sugukundas:

• Poecile
• Periparus
• Lophophanes — Käbedkubuižed
• Baeolophus
• Parus — Todesižed tijaižed
• Machlolophus
• Melaniparus
• Sittiparus
• Pseudopodoces
• Cyanistes
• Sylviparus
• Melanochlora