Tervazhein

Galline tervazhein (Silene gallica) om heimon tipine erik, Niigat, Japonii

Valdkund:	Kazmused
Palakund:	Änikkazmused (Magnoliophyta)
Klass:	Kaksidülehtesižed (Dicotyledones)
Kund:	Uniheinänikoižed (Caryophyllales)
Sugukund:	Uniheinižed (Caryophyllaceae)
Heim:	Tervazhein

Latinankel'ne nimi

Siléne L., 1753 Sp. Pl.:416 nom. cons.

Sistematik
Vikierikoiš

Kuvad
Vikiaitas

ITIS 20040

NCBI 3573

Tervazhein vai Tervaižed (latin.: Silene) om üks'voččiden da äivoččiden heinäsižiden kazmusiden heim tobjimalaz, om mugažo pol'penzhid. Kaik lugetas läz 700 erikod. Mülütadas Uniheinižed-sugukundha, sen kaikiš äiluguižemb heim.

Leviganduz

Heimon erikod kazdas Pohjoižen mapoliškon subarktižes i venos vöiš. Kaikiš enamba erikod om Keskmeren maiš. Läz 150 erikod Venämas lähižidenke maidenke.

Äjad üks'voččed erikod oma rujoheinikš pöudoil, kazdas pustolänil. Äivoččed erikod elädas kivekahiš sijiš i letemaiš, sätas maturbišt.

Ümbrikirjutand

Seikhed oma püštoiktad vai libujad, sarakoitas. Lehtesed kazdas vastaiti, išttas, lancetan formal. Lehtesed i seikhed oleskeldas pal'had vai karvakahad, no kaik oma rauguižidenke. Raugud eritadas klejindsubstancijad tervan polhe, pened gavedid puttas klejha.

Änikod oma keratud löuste- vai tähk-änikusihe, erasti üks'jäižed änikod oleldas. Viž äniklehtest, änikon muju voib olda vauged, vihandan polhe, ruza vai purpurine. Kazmused änikoittas semendkuspäi sügüz'aighasai. Tervazheinän semned küpsnedas teravas, 1 gramm kogoneb 2200 semnehesai, plod om koumepalaine konorüt.

Valitud erikod

Silene borysthenica — Dnepran tervazhein
Silene dichotoma — Hangoikaz tervazhein
Silene gallica — Galline tervazhein, heimon tipine erik
Silene latifolia — Vauged tervazhein
Silene repens — Ujelii tervazhein
Silene sibirica — Sibirine tervazhein
Silene vulgaris — Järgeline tervazhein

Homaičendad

Tervazhein Vikiaitas