Sjudad de la Kost

Sjudad de la Kost (isp.: Ciudad de la Costa «randišton lidn») om lidn Urugvain suvirandal. Se om valdkundan koumanz' lidn eläjiden lugun mödhe, Montevideon päivnouzmaine ezilidn, mülüb Kanelonesan agjaha kaikiš surembaks lidnaks.

Sjudad de la Kost
Ciudad de la Costa

Valdkund	Urugvai
Eläjiden lugu (2011)	112,449 ristitud
Pind	51,25 km²
Telefonkod	+598−26-xxx-xxx
Aigvö	UTC−3

Lidnan kart rajonidenke (2011)

Istorii

Montevideo-pälidnan šingotez vedi ezilidnoiden ližadusennoks. Pened lidnad i kurortad päivnouzmha pälidnan ezilidnoišpäi kazvoiba mugažo kümneks kilometraks i ühtištuiba aigan mändes. Eländpunkt sai lidnan röunoid da oiktusid vn 1994 19. päiväl redukud nügüdläiženke nimitusenke.

Sjudad de la Kost šingotase lebuturizmal kül'bendrandanno. Letud avtodrom abutab sile i rahvahidenkeskeižen «Karrasko»-lendimportan sijaduz Paso Karrasko-lidnas ani lodeheze.

Geografijan andmused

Lidn vedase pidust' Atlantižen valdmeren randad, sijadase 15 m ü.m.t. keskmäižel korktusel. Kurortlidnoiden Kosta de Oro-rajon («kuldaine rand») levitase 70 kilometraks päivnouzmha lidnaspäi.

Klimat om subtropine valdmeren. Voden keskmäine lämuz om +16,8 C°, tal'vkun-keväz'kun +21..+23 C°, kezakun-elokun +10..+12 C°. Ekstremumad oma −7 C° i +40 C°. Paneb sadegid 1163 mm vodes, kuidme läz tazomäras (88..112 mm).

Eläjad

Vn 2011 Urugvain rahvahanlugemižen mödhe lidnan eläjiden lugu oli 112 449 ristitud. Se ližadui enamba mi pol'tošt kerdad vspäi 1996 (66 402 ristitud).

Irdkosketused

• Lidnan oficialine sait (ciudaddelacosta.imcanelones.gub.uy). (isp.)
• Lidnan lehtpoled municipios.gub.uy-saital. (isp.)