Sargsän Tigran

Tigran Surenovič Sargsän (Sarkisän) (armen.: Տիգրան Սուրենի Սարգսյան; sünd. 29. viluku 1960, Kirovakan, Armenijan NST, NSTÜ) om armenine ekonomist i valdkundan šingotai. Mez' radoi 12. Armenijan päministran (9. sulaku 2008 — 3. sulaku 2014).

Sargsän Tigran
armen.: Տիգրան Սուրենի Սարգսյան
Tigran Sargsän vn 2011 kezakus
radmižen toižend:	politikanmez', majandusteadlane, pankur, diplomaat
sündundan dat:	29. viluku 1960(1960-01-29) (64 vot)
sündundan sijaduz:	Vanadzor, Armeenia NSV[d], Nevondkundaližiden Socialistižiden Tazovaldkundoiden Ühtištuz
valdkund:	Armenii
Sargsän Tigran VikiAitas

Biografii

Profškolan lopindan jäl'ghe Sargsän tuli openumha Jerevanan rahvahanižandusen institutha, sen planiruindan da ekonomikan fakul'tetha vl 1978. Vll 1980−1983 tuleban aigan politikanmez' openui Leningradan finansiž-ekonomižes institutas, om sen pästnikan parahimidenke arvznamoidenke. Vl 1987 mez' lopi sen institutan aspiranturad, vahvišti ekonomižiden tedoiden kandidatan arvod «Regionaližen socialiž-ekonomižen šingotesen planiruind Armenijanke ozuteseks»-temanke.

Toižed opendused mäniba AÜV:oiden Vašington-pälidnas: 1994. voz' — Rahvahidenkeskeine oiktusen institut, «Käskusensädai radmine»-palakund, i vll 1996−1997 openui Mail'man bankan Ekonomikan šingotesen institutas, sen «Effektivine ohjanduz bankoil»-palakundas.

Sargsän radoi nenil radnikusil ende: Armenijan Keskuzbankan ezimez' (1998−2008), Armenijan sur'oigenu AÜV:oiš (2014−2016), Evrazijan ekonomižen laudkundan Kollegijan ezimez' (2016−2020). Vspäi 2020 mez' radab Evrazijan šingotesen bankan ohjastusen varaezimeheks.

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.