Salvador (lidn, Baii, Brazilii)

Salvador (mugažo portugalijan kelel, znamoičeb «Spas», «pühä päzutai») om Brazilijan lidn valdkundan päivnouzmas. Se om Baii-štatan pälidn, Brazilijan koumanz' lidn eläjiden lugun mödhe. Port Atlantižen valdmeren randal.

Salvador

Lidnanznam	Flag
Valdkund	Brazilii
Eläjiden lugu (2017)	2,953,986 ristitud
Pind	693 km²
Telefonkod	+55-(0)71
Aigvö	UTC−3

Istorii

Eländpunktan aluz om pandud vl 1549 sirdnikoil-portugalijalaižil, i vhesai 1763 se oli Brazilijan pälidnaks, sid' Rio.

Salvador šingotase turuzmal (kül'bendrandad, karnavalad, kolonialižen pälidnan arhitektur), kivivoin ümbriradmižel, mašinansauvomižel (tehtas avtoid-ki), meritransportal, äjil toižil sarakoil.

Geografijan andmused

Lidn sijadase pol'sarel Kaikiden Pühämehiden merikaran i Atlantižen valdmeren keskes, 8 m ü.m.t. keskmäižel korktusel. Kaks' tazopindad om Salvadoras, ned ühtenzoitasoiš libutimil.

Klimat om ekvatorialine, räk da neps. Kun keskmäine lämuz om +25..+27 C° vodes läbi. Paneb sadegid 2100 mm vodes, enamba sulakus-heinkus (200..325 mm kus). Upar' pehmdase tulleil Atlantikaspäi.

Eläjad

Vl 2014 eläjiden lugu oli 2 902 927 ristitud. Läz 3,6 mln ristituid elädas ezilidnoidenke.

Rahvahad augotižlibundan mödhe: pardu — 51,7%, afrikalaižed — 27,8%, evropalaižed — 18,9%, azijalaižed — 1,3%, toižed rahvahad — 0,3%.

Uskondan mödhe lidnalaižiden pol' om katolikad, videndez — protestantad, toižed eläjad oma ateistad päpaloin.

Irdkosketused

• Municipaližen prefekturan oficialine sait (salvador.ba.gov.br). (port.)