Saklid

Bur sakkal (Falco berigora) Viktorii-štatas, Avstralii

Valdkund:	Živatad
Tip:	Sel'gjäntkeižed (Chordata)
Klass:	Lindud (Aves)
Heimkund:	Saklinvuiččed (Falconiformes)
Sugukund:	Sakližed (Falconidae)
Heim:	Saklid

Latinankel'ne nimi

Falco (Linnaeus, 1758)

Sistematik
Vikierikoiš

Kuvad
Vikiaitas

ITIS 175598

NCBI 8952

Saklid (latin.: Falco) oma Sakližed-sugukundan kaikiš äiluguižemb heim. Lugetas läz 40 erikod.

Leviganduz

Kaikiš aigaližembad löutud kaivandusil heimon erikoiden jändused mülüdas möhäižhe miocenha, toižin sanoin niiden igä om noremb mi kümne millionad vozid. Genetižiden tedoidusiden mödhe hir'habukad i Falco columbarius libudas Afrikaspäi, kaik toižed heimon erikod leviganziba Evrazijaspäi.

Saklid oma levitadud kaikil kontinentil päiči Antarktidas. Tehtas pezoid puil (otten toižiden linduiden pezoid), man pindal, kall'oil, mugomil korktoil sauvusil kut čuhundused i kellčuhundused.

Ümbrikirjutand

Lihansöjad lindud, erased erikod sötlesoiš gavedil. Täuz'kaznuziden linduiden suugad oma kaidad tilgunvuiččed, niiden abul hö mahttas manevruida udatinke i sadas surihe piguzihesai lenduses ülähänpäi. Oz., Falco peregrinus-sakkal (sapsan) lugese kaikiš teravambaks živataks mail'mas, se voib sadas 322 km/č (vai 90 m/s) pigudehesai ičeze mectusen aigan.

Valitud erikod

Falco alopex — Reboin hir'habuk
Falco hypoleucos — Hahk sakkal
Falco mexicanus — Meksikaine sakkal
Falco moluccensis — Molukkaine hir'habuk
Falco novaeseelandiae — Udenzelandine sakkal
Falco peregrinus — Sakkal-sapsan
Falco rusticolus — Mectuzsakkal
Falco subbuteo — heimon tipine erik
Falco tinnunculus — Järgeline hir'habuk

Kacu mugažo

Sakkalmectuz

Homaičendad

Saklid Vikiaitas