Krasnoje Selo

Krasnoje Selo (ven.: Кра́сное Село́, vepsäks «rusked/čoma žilo», suom.: Kraassela) om Venäman lidn Piterin röunoiš, sen suves. Se mülüb Krasnosel'skii-rajonha, otab sen suvipalad.

Krasnoje Selo
Красное Село

Lidnanznam	Flag
Valdkund	Venäma
Eläjiden lugu (2023)	58,652 ristitud
Pind	19,28 km²
Pämez'	Jevgenii Marejev (tal'vku 2014—)
Telefonkod	+7−812-xxx-xx-xx
Avtokod	78, 98, 178, 198
Aigvö	UTC+3 (MSK+0)

Lidn Piterin i sen rajonan kartal

Istorii

Petr I pani eländpunktan alust vl 1714 kuti Pert'kulun Krasnoje-žilo (ven.: дворцовое село Красное) sijadamha bumagfabrikad. 19. voz'sadal Krasnoje Selo oli Venäman imperijan sodavägiden kezaližeks päsijaduseks. Žilo sai lidnan statusad vl 1925.

Krasnoje Selo šingotase plastmassantegimel da karvanfabrikal. Edel 2003. vot bumagfabrik radoi mugažo.

Geografijan andmused

Lidn sijadase Ižoran ülüden kukhil. Nimetoi-järv da Dudergofk-jogi oma ülüden pohjanno.

Ühtennimine raudtestancii ühtenzoitab lidnad Baltijan päraudtestancijanke. Kaik om koume raudtestancijad, mugažo avtobusstancii om saudud. Lähembaine metro om Prospekt Veteranov-metrostancii.

Eläjad

Vn 2010 Venäman rahvahalugemižen mödhe lidnan eläjiden lugu oli 44 323 ristitud. Kaik 55 550 eläjad oli lidnas vl 2017. Kaikiš suremb lidnan ristitišt oli 59 066 eläjad vl 2020 i om nügüd'.

Ortodoksižen hristanuskondan nell' pühäpertid oma avaitud lidnas: koume jumalanpertid i časoun'.

Krasnosel'skii-kolledž om lidnan professionaližen opendusen aluzkundaks.

Galerei

• 
  Vezičuhunduz (2018)
• 
  Eläban Eziauguižen Stroican jumalanpert', vn 2021 nägu
• 
  Suren Mihail Pavlovič-ruhtinasen pert'kulu i Pert'kulun puišt vl 2015
• 
  Sildansauvondan organizacijan kontor i kommertine sauvuz
• 
  Krasnoje Selo-raudtestancii, sen sauvuz i torg päraudtestancijanno (2021)

Irdkosketused

• Municipaližen «Krasnoje Selo-lidn»-ühtnikan tobmuden sait (krasnoe-selo.ru). (ven.)