Radžinikant

Radžinikant (vai Radžnikant, tamil.: ரஜினிகாந்த், hindi: रजनीकान्त, angl.: Ranjinikanth), todesine nimi om Šivadži Rao Gaekvad (hindi: शिवाजीराव गायकवाड, angl.: Shivaji Rao Gaekwad; om sündnu 12. tal'vku 1950, Bangalor, Karnatak, Indii) — fil'mdandan indine ak'tor, kinoprodüser da scenarijoiden kirjutai. Om akt'oran enamba mi 150 fil'mas, radab Kollivudas tobjimalaz.

Radžinikant
tamil.: ரசினிகாந்த்
Radžinikant vl 2019
nimi sündundan jäl'ghe:	angl.: Shivaji Rao Gaekwad
radmižen toižend:	akt'or, filmiprodutsent, scentarist, filminäitleja, pajatai
sündundan dat:	12. tal'vku 1950(1950-12-12) (73 vot)
sündundan sijaduz:	Bangalor, Mysore State[d], Indii
valdkund:	Indii
tat:	Ramoji Rao Gaekwad[d]
mam:	Jijabai Shahaji Bhosale[d]
Radžinikant VikiAitas

Biografii

Šivadži om sündnu Bangalor-lidnha, policijalaižen kanzha äjiden lapsiden keskes. Konz prihaižele oli viž vot, ka tuleban aigan akt'oran mam koli, i hän radoi kandajan aigoidme. Om kannadakel'žen školan pästnikan. Vll 1966−1973 oti erazvuiččid radoid, sidä kesken avtobusan konduktoran, i sil-žo aigal ühtni navedijoiden p'jesiden lavastushe. Vl 1973 ajoi Madrasha samha opendust kinon institutas, openui pagišta tamilan kelel. Fil'mdaškanzihe vl 1975, edesti pahatukuiden i banditoiden rolid tobjimalaz.

Vspäi 1981 om nainu, Lata Rangačari om hänen ak. Heil om kaks' tütärt: Ašvarija da Soundarija. Tähäsai om koume tütrenpoigad.

Valitud fil'mografii

• «Apoorva Raagangal» (1975) — Pandijan
• «16-voččes igäs» (1977) — Parattai
• «Soged käskuz» (1983) — Vidžai Kumar Singh
• «Jumalakaz tat» (1986) — Vidžai (Maha Guru)
• «Verev kivi» (1988) — Šijam Sabu
• «Manikuš naine» (1989) — Džaggu
• «Hüväd sebranikad» (1991) — Kumar Malhotra
• «Muthu» (1995) — Muthuvel / Zamindar
• «Peitol'ne adiv naine» (2005) — Saravanan / Vettaijan Radža
• «Šivadži-ižand» (2007) — Šivadži Arumugam
• «Robot» (2010) — Vasigaran-doktor / Čitti
• «RA. Ezmäine» (2011) — Čitti (kameo)
• «Legend» (2014) — Kočadaijan / Rana / Sena
• «Lingaa» (2014) — Raja Lingesvaran / Lingesvaran (Lingaa)
• «Kabali» (2016) — Kabalesvaran (Kabali)
• «2.0» (2018) — Vasigaran-doktor / Čitti

Mel'hetartui fakt

Radžinikant kändihe tutabaks akt'oraks Japonijas «Muthu»-fil'man pästandan jäl'ghe.

Irdkosketused

• Radžinikant „Internet Movie Database“-saital (angl.)
• Radžinikant „KinoPoisk“-saital (ven.)