Polokvane

Polokvane (sesoto i angl.: Polokwane, anglijan virkand: [ˌpɒləˈkwɑːnɪ]) om lidn Suviafrikan Tazovaldkundan pohjoižpäivnouzmas. Se om Limpopon agjan i Polokvane-municipalitetan administrativine keskuz.

Polokvane
Polokwane (sesoto, angl.)

Valdkund	Suviafrikan Tazovaldkund
Eläjiden lugu (2011)	130,028 ristitud
Pind	106,84 km²
Telefonkod	+27-(0)15
Aigvö	UTC+2

Istorii

Eländpunktan aluz om pandud vl 1886 kuti Pitersburg (afrikaans i angl.: Pietersburg). Vl 1992 se sai city-statusad town:an sijas. Udesnimitihe vn 2005 uhokus, nimituz znamoičeb «varuitoi sija» sesoto-kelel.

Polokvane šingotase bankingal, ekoturizmal, jomiden tehmižel (Coca-Cola, olud), radioladimiden pästandal.

Geografijan andmused

Lidn sijadase agjan keskuzpalas, 1310 m ü.m.t. keskmäižel korktusel. Ühtenzoitase raudtel Johannesburganke da toižidenke järedoidenke lidnoidenke.

Klimat om subtropine pol'kuiv mägišton. Voden keskmäine lämuz om +17,7 C°, kül'mkun-keväz'kun +20..+22 C°, kezakun-heinkun +11..+12 C°. Ekstremumad oma −3 C° i +38 C°. Paneb sadegid 478 mm vodes, enamba kül'mkus-vilukus (81..85 mm kus), kuiv sezon oleskeleb kezakus-elokus (14 mm pordos).

Eläjad

Vl 2011 lidnan eläjiden lugu oli 130 028 ristitud. Kaik 629 tuhad eläjid om municipalitetas 3766 km² pindal (2011), lidn mülüb sihe.

Rahvahidenkeskeine civiline Polokvane-lendimport (PTG / FAPP, 58 tuh. passažiroid vl 2010, ende Gateway) radab ani lidnan pohjoižröunan taga. Tehtas reisid Johannesburgha.

Irdkosketused

• Lidnan oficialine sait (polokwane.gov.za). (angl.)