Ploješti

Ploješti (rom.: Ploiești [ploˈjeʃtʲ]) om lidn Romanijan suves. Se om Prahovan ümbrikon administrativine keskuz.

Ploješti
Ploiești

Lidnanznam	Flag
Valdkund	Romanii
Eläjiden lugu (2016)	233,663 ristitud
Pind	58,28 km²
Pämez'	Andrei Volosevici (2008−2012, reduku 2020 — 2024, Andrei Volosevici)
Telefonkod	+40-(0)244/344
Aigvö	tal'vel UTC+2, kezal UTC+3

Istorii

Eländpunktan aluz om pandud vl 1596 Valahijan Mihai Rohked-valdoičijan ohjandusen aigan (1593−1601). Lidn kändihe torguindan da käzitöiden edheotandoiden keskuseks 17.-18. voz'sadoil. Kivivoin samižen keskuz 19. voz'sadan keskespäi.

Karpatan manrehkaiduz mureni lidnad lujas vn 1940 10. kül'mkud. Ploještin region oli kivivoin päpurtkeks nacistižen Germanijan täht Toižen mail'man sodan aigan.

Ploješti šingotase kivivoin samižel da sen ümbriradmižel tähäsai.

Geografijan andmused

Lidn sijadase Dambu-jogen randal (rom.: Dâmbu, Prahovan i Dunain bassein), 165 m ü.m.t. keskmäižel korktusel. Matkad Buharesthasai om 56 km suvhe.

Klimat om ven kontinentaline räkanke kezanke, Buharest-pälidnan klimatan pojav. Paneb sadegid 600 mm vodes, enamba kezaaigan.

Eläjad

Vn 2011 Romanijan rahvahanlugemižen mödhe lidnan eläjiden lugu oli 209 945 ristitud. Kaikiš suremb ristitišt oli 252 715 vl 1992.

Eläjiden 90,6% oma romanijalaižed, 90,7% — ortodoksižed hristanuskojad (2011).

Kaks' universitetad oma lidnas: kivivoin da gazan (vspäi 1948) i George Baritiun nimed (alusenpanend 2002). Niiden ližaks, seičeme kolledžad i viž üläškolad anttas opendust lidnas.

Irdkosketused

• Lidnan oficialine sait (ploiesti.ro). (rom.) (angl.)