Petrodvorecan rajon

Petrodvorecan rajon (ven.: Петродворцовый район) om rajon Piteriš, sijadase lidnan päivlaskmaižes palas Suomen lahten suvirandal.

Istorii

Rajonan aluz om pandud vn 1938 5. päiväl kezakud kuti Petergofan rajon. Rajon alištui Piterin lidnan Nevondkundale, no oli lidnan röunan irdpolel sil aigal. Vl 1944 om udesnimitadud nügüdläižikš ühtes lidnanke. Rajon om nügüdläižiš röunoiš vn 2003 tal'vkuspäi, konz mülütihe Lomonosov-lidnad sihe tošti.

Geografijan andmused

Rajonan pind om 108,72 nellikkilometrad.

Röunatab nenidenke rajonidenke:

Piterin Krasnosel'skii-rajonanke päivnouzmas,
Leningradan agjan Lomonosovan rajonanke suves i suvipäivlaskmas,
Piterin Kronštadtan rajonanke lodehes.

Petrodvorecan rajon kogoneb koumes municipaližes ühtnikaspäi: Lomonosov-lidn, Petergof-lidn (administracijan sijaduz) i Strel'n-žilo.

Eläjad

Vn 2010 rahvahanlugemižen mödhe rajonan eläjiden lugu oli 128 156 ristitud. Kaikiš suremb ristitišt oli 143 823 eläjad vl 2020. Kaik 134 018 ristitud oli registriruidud rajonas vl 2021.

Rajonan administracijan pämez' om Dmitrii Popov vn 2013 semendkuspäi.

Piterin valdkundaližen universitetan erased institutad da fakul'tetad sijadasoiš Petrodvorecan rajonan territorijal.

Irdkosketused

Petrodvorecan rajonan lehtpoled Piterin tobmuden portalal (gov.spb.ru). (ven.) (angl.)
Petrodvorecan rajonan uzištused (pd-news.ru). (ven.)