Pedai
Pedai
Järgeline pedai (Pinus sylvestris blue) Leningradan agjas, vn 2011 eloku
Tedoklassifikacii
Valdkund: Kazmused
Palakund: Kavag'kazmused (Pinophyta)
Klass: Kavag'kazmused (Pinopsida)
Kund: Pedaižed (Pinales)
Sugukund: Pedaižed (Pinaceae)
Heim: Pedai
Latinankel'ne nimi
Pínus L., 1753
Areal
Image

Wikispecies-logo.svg
Sistematik
Vikierikoiš

Commons-logo.svg
Kuvad
Vikiaitas

ITIS 18035
NCBI 3337

Pedai (latin.: Pinus), paginoiš Pihk (mž. kavag'kor'b vai ruga) i Hong (kuiv pedai) om kavag'puiden heim Pedaižed-sugukundaspäi. Kaik om läz 130 erikod mail'mas. Om kaks' alaheimod: Pinus i Strobus.

ÜmbrikirjutandRedigeeri

Pu om igähižvihand, täuz' rugad. Jagadas kavag'negloiden lugun polhe vezas: kaks', koume i viž. Lehtesed-neglad oma 5..9 sm pitte. Barboiden i oksiden tüvil ei olele kavaged kuzen barboišpäi erineden. Kaik juirišt sijadase mahusen pindanno, jured oleldas 20 metrhasai pitte.

Sädab mecoid, no voib kazda üks'jäižen-ki. Pedai navedib letemad.

KävutandRedigeeri

Ottas kävutamižhe pumaterialaks levedali: kogonaižed parded, tehmaha lahkoid, laivoiden i lendimiden paloikš, torhuz cellülozbumagaižen tegimišton täht, kaivuztüged, pakuitez.

Pedajaha sidodud vepsän tärtusedRedigeeri

  • Hong — kuiv pedai.
  • Hongišt, hongžom — hongasine mec.
  • Mänd — pedajan pind vai pedajišt sos.
  • Pedajik, pedajišt, pedaižom — pedajine mec.
  • Pind — hongasine brusut, kudambaspäi porotadas puzulahkoid.
  • Solätik — mectunu pedajil soröun.
  • Somändik — so pedajidenke.

Pedajha sidodud vepsän muštatišed da ozoitesedRedigeeri

MuštatišedRedigeeri

  • Kodi — kor'bes, pert' — pedajas, luzikad — luhtas. (kenel ei ole nimidä)
  • Pedai pit'k om, a oksad lühüdad. (ei kaik ole kebn)

OzoitezRedigeeri

  • Mecas koume mechašt, kezal i tal'vel ühted sädod. (hong, kuz' da kadag)

HomaičendadRedigeeri



  Nece kirjutuz om vaiše ezitegez. Tö voit abutada meile, ku kohendat sidä da ližadat sihe.