Pasklindud

Sugukund om nimitadud pasklindun (Passer domesticus) mödhe

Valdkund:	Živatad
Tip:	Sel'gjäntkeižed (Chordata)
Klass:	Lindud (Aves)
Heimkund:	Pasklindunvuiččed (Passeriformes)
Sugukund:	Pasklindud

Latinankel'ne nimi

Passeridae (Illiger, 1811)

Sistematik
Vikierikoiš

Kuvad
Vikiaitas

ITIS 553446

NCBI 9158

Pasklindud (latin.: Passeridae) om linduiden sugukund.

Klassifikacii

Pasklindud erištuiba lähižiš sugukundoišpäi 35 mln vozid tagaz vai sen möhemba.

Sugukund mülütab 45 erikod kudes heimos (Passer, Petronia, Montifringilla, Pyrgilauda, Carpospiza, Salicipasser), vai kaik om 43 erikod kahesas heimos toižen klassifikacijan mödhe.

Leviganduz

Londuseline levigandmižavaruz om kaik Afrik da Evrazijan tobj pala. Om vähä kalaidajid erikoid.

Elädas ristitun eländpunktoiš da läz niid tobjimalaz, maižanduzrajoniš. Lindud kaičesoiš puiden, rogoiden žomiš i penzhištos.

Ümbrikirjutand

Hibj om 11..18 sm pitte, 40 grammhasai jügutte. Lühüd sanged n'ok om samha da žoubimha semnid. Suugad oma teravad. Pasklindud vajehtadas maihutuz- i rulindsuugid elon ezmäižel sügüzel. Jaugad oma lühüdad, likkudas hüpkil madme. Händ om keskmäine surudel hibjan rindataden, händan agj om kehker vai oiged, harvemba hangonvuitte. Höunhišton ližamujud oma hahk, bur, vauged, must, kaštan, rusked.

Socialižed lindud, elädas joukuil. Äikerdoitas kaks' kerdad vodes tobjimalaz, om erikoid äikerdoičendanke vidhesai kerdad vodes. Hauttas munindad 11..14 päivest. Lindunpoigaižed sündudas höunhita vai vällänke höunhištonke, išttas pezas 14..17 päiväd, kazvatajad söteltas heid sen aigan.

Homaičendad

Pasklindud Vikiaitas