Parmad

Parmad
Hebon parm (Gasterophilus intestinalis)
Tedoklassifikacii
Valdkund: Živatad Tip: Palačjaugaižed (Arthropoda) Klass: Gavedid (Insecta) Heimkund: Kaks'suugaižed (Diptera) Sugukund: Parmad
Latinankel'ne nimi
Oestridae (Leach, 1815)
Sistematik Vikierikoiš Kuvad Vikiaitas ITIS 151717 NCBI 7387

Sil sanal voib olda toižid znamoičendoid; miše nähta niid, tulgat tänna.

Parmad (latin.: Oestridae) om kaks'suugaižiden sinantropižiden gavediden sugukund. Tetas 176 erikod 30 heimos.

Leviganduz

Sugukundan erikod oma levitadud kaikedme mail'madme. Avaromb leviganduz om kabjživatišton kazvatandha sidodud.

Kaikiš amuižembad parman Dermatobia hydropica-erikon kaivandused oma löutud AÜV:oiden Kolorado-štatas, sen eocenan šoidus 50,3 mln vozid igänke.

Ümbrikirjutand

Täuz'kaznu (imagon) hibj om 9..25 mm pitte. Erased erikod oma mezjäižiden i ürghižen pojavad. Pä om leved lapakon polhe. Sil'mad oma pal'had erikoiden enambusel. Ižačuiden sil'mad kazdas lähižemb toine toižennoks. Habinoižed oma lühüdad i süvetud kopuižihe. Rindaz om kattud hibusuzil. Jaugad oma lühüdad sanktad karvakahad. Pökuine om šurunvuitte vai kon'ak.

Gaved'madod parazitiruidas imetaiživatoil, voidas ristitul-ki. Parmoiden täuz'kaznuded eričud ei sögoi (afagad), heiden sun organad oma reduciruidud. Vaiše üks' keskuzamerikaine Dermatobia hominis-erik tegeb zatridüd londoid ristituiden päle, enamba kaiked kodiživatišt mokičese parmoiden tagut.

Alasugukundad

Kaik om nell' alasugukundad:

• Cuterebrinae (Amerik, 83 erikod kudes heimos)
• Gasterophilidae (kaikjal, viž heimod)
• Hypodermatinae (päiči Edahaižes Pohjoižes, ühesa heimod)
• Oestrinae (kaikjal, 35 erikod ühesas heimos)

Kacu mugažo

• Must parm