Obuhovan Kaičendan prospekt

Obuhovan Kaičendan prospekt (ven.: Проспект Обуховской Обороны) om ird Piterin Nevan i Keskuzrajonas.

Obuhovan Kaičendan prospekt, nägu Aleksandran Nevalaižen sildaspäi.

Nece om kaikiš pidemb prospekt Piterin territorijas, sen piduz — 11 km. Om Nevan huraks randirdaks paloin, Oktäbrin randird mäneb vastrandal. Prospekt om röunatud Aleksandr Nevalaižen torgul i Sinopan randirdal pohjoižes agjas, Šlissel'burgan prospektal i Karavajevskai-irdal suviagjas.

Istorii

Počtte (trakt) Šlissel'burghasai i Arhangel'skannoks zavodihe prospektan territorijal 18. voz'sadas. Sauvoškanzihe pertištod aigan mändes, i tegihe kuz' prospektad toine toižen jäl'ghe 19. voz'sadan keskele. Vl 1931 üks' niišpäi sai ut Prospekt Obuhovan Kaičendan muštho-nimitust. Se pala sijadase Obuhovan tegimenno («Bol'ševik»-tegim NSTÜ:n aigan). Tegimen radnikad pidihe kaičendad policijad vaste vn 1901 7. päiväl semendkud, i nevondkundaline tobmuz udesnimiti sen aigtegon muštoks.

Ühtištuihe kuz' prospektad da nimitihe nügüdläižikš vn 1952 tal'vkun 15. päivän pätindan mödhe. Pala Karavajevskai-irdhasai om ližatud vn 1987 23. päiväl uhokud.

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.