Avaita pämenü

Vikipedii β

Anna Lisicina, Mihailan tütär (ven.: Лисицына Анна Михайловна; sünd. 14. uhoku 1922, Ozrei (nügüd' Kalagen posad), Karjalaine radkommun, Venäman NFST — kol. 3. eloku 1942, Süvär'jogi, Leningradan agj, Venäman NFST, NSTÜ) — Karjalaiž-Suomalaižen Nevondkundaližen Socialistižen Tazovaldkundan Kommunistižen partijan keskuzkomitetan sidonik, partizan. Nevondkundaližen Ühtištusen vägiak. Hän sai mugažo Leninan da Rusttan tähthan ordenad.

Anna Lisicina
Sündundan sija Žitnoručei
Sündundan päivmär 14.02.1922
Surman sija Süvär'
Surman päivmär 3.8.1942
Arvlahjad Nevondkundaližen Ühtištusen vägimez'

Leninan ordenRusttan tähthan orden

Südäiolend

Aigaližed vodedRedaktiruida

Anna oli sündnu vl 1922 Ozreihe (ven. Житноручей, Žitnoručein külä; nügüd' Kaleigen külän posadas Änižröunan (Änižrandan) rajonas, Karjalan Tazovaldkundas). Hän oli vepsläine. Anna lopi Kaleigan keskmäižen školan. Vodespäi 1938 vodehesai 1940 hän openzihe Karjalaižes kul'turtehnikumas (vai Leningradižes kirjišttehnikumas). Sid' Anna radoi kirjištakan Segežan rajonklubas.

Sur' Kodimaine soda (voin)Redaktiruida

1942 voden kezakul Lisicinan Annad da hänen sebranikad Melent'jevan Marijad oigetihe anastadud Šoutarven rajonha. Šoutarves hö sädiba peitkomitetoid, konspirativižid peittahoid, keraziba andmusid okkupacižen tobmuden polhe, lämoipunktoiš da toižiš sodasauvuziš. Vodel 1942 elokun 3. päiväl kaks'kümnevozne Lisicina upsi ehtatades Süväres poikpoli.

MuštRedaktiruida

Muštpachad Anna Lisicinan oiktastuseks oma Kos'kenaluižes, lidnanvuiččes Nikol'skii-žilos (Kos'kenaluižen rajon) da Kaleigas. Om nimitadud irdoid hänen nimel Petroskoiš i Nikol'skii-žilos.

HomaičendadRedaktiruida


IrdkosketusedRedaktiruida