La Plat (lidn)

La Plat (isp.: La Plata [la ˈplata]) om Argentinan nellänz' lidn eläjiden lugun mödhe. Se om Buenos Airesan agjan administrativine keskuz.

La Plat
La Plata
 Lidnanznam
Escudo del Partido de La Plata.svg
 Flag
Bandera de La Plata.svg
Valdkund Argentin
Eläjiden lugu (2010) 799,523 ristitud
Pind 926 km²
La Plat La Plata
Pämez' Hulio Garro
(tal'vku 2015—,
Julio Garro)
Telefonkod +54-(0)221-xxx-xxxx
Aigvö UTC−3


Disambig gray.svg Sil sanal voib olda toižid znamoičendoid; miše nähta niid, tulgat tänna.

IstoriiRedigeeri

Eländpunktan aluz om pandud vn 1882 19. päiväl kül'mkud kuti agjan projektiruidud uz' pälidn, sikš miše anttihe Buenos Airesale federaližen ümbrikon statusad vl 1880. Vll 1952−55 lidnan nimi oli Sjudad Eva Peron.

La Plat ezilidnoidenke šingotase valdmeriportal (lähižed Ensenad- i Berisso-municipalitetad), kivivoinümbriradajal tegimel, kivivoihimijal (efirvoid, propilen), metallanümbriradajil edheotandoil, lihaproduktoiden pästandal.

Geografijan andmusedRedigeeri

Lidn sijadase agjan pohjoižpäivnoumas, La Plat-estuarijan randal, 26 m ü.m.t. keskmäižel korktusel. Matkad Buenos Aireshasai om 56 km lodeheze. Pened manrehkaidused oleskeldas.

La Platan agjan keskusen sijaline ispanine toine nimituz om Casco urbano vai Casco fundacional, se om nellikanvuitte i levitase 27 km² pindal, ristitišt 193 144 eläjad (2010). Kaik 24 lidnad i koume žilod mülüdas municipalitetha, 40..60 tuhad eläjid om neniš lidnoiš (2001, kaik röunatadas Kasko urbano:nke): Vil'ja Elvir, Los Ornos, Tolos, San Karlos.

EläjadRedigeeri

Vn 2010 Argentinan rahvahanlugemižen mödhe lidnan municipalitetan eläjiden lugu oli 799 523 ristitud, se oli kaikiš suremb ristitišt. Vl 2001 ristitišt oli 663 943 eläjad.

La Platan Nacionaline universitet[1] (isp.: Universidad Nacional de La Plata, UNLP, 121 tuhad üläopenikoid vl 2011) radab kut valdkundaline vspäi 1905.

HomaičendadRedigeeri

  1. La Platan Nacionaližen universitetan sait (unlp.edu.ar). (isp.)

IrdkosketusedRedigeeri