Kraiov (rom.: Craiova [kraˈjova]) om lidn Romanijan suvipäivlaskmas. Se om valdkundan kudenz' lidn eläjiden lugun mödhe, Dolžun ümbrikon administrativine keskuz.

Kraiov
Craiova
Lidnanznam
Valdkund Romanii
Eläjiden lugu (2016) 305,689 ristitud
Pind 81,41 km²
Kraiov Craiova
Pämez' Lia Olguta Vasilesku
(2020−2024,
Lia Olguța Vasilescu)
Telefonkod +40-(0)251
Aigvö tal'vel UTC+2,
kezal UTC+3

Istorii vajehta

Eländpunkt mainitase lidnan statusanke 16. voz'sadan ezmäižes polespäi. Vll 1770−1771 oli Valahijan pordaigaližeks pälidnaks Venälaiž-turkižen sodan aigan. Äi arhitekturan muštnikoid om kaičenus tähäsai.

Kraiov šingotase avtosauvomižen täudel ciklal (Ford), sömtegimištol, elektrotehnižel inžiniringal i elektrusen tehmižel.

Geografijan andmused vajehta

Lidn sijadase Žiu-jogen (rom. Jiu) päivnouzmaižel randal, 100 m ü.m.t. keskmäižel korktusel. Matkad Buharesthasai om 227 km päivnouzmha.

Klimat om kontinentaline Keskmeren valatoitandanke.

Lujad manrehkaidused oleskeliba lidnas (1790, 1831).

Eläjad vajehta

Vn 2011 Romanijan rahvahanlugemižen mödhe lidnan eläjiden lugu oli 269 506 ristitud. Kaikiš suremb ristitišt oli 303 959 eläjad vl 1992 i om nügüd'.

Eläjiden 89,5% oma romanijalaižed, 2,0% — čiganalaižed, 0,3% — toižed rahvahad, 8,2% — rahvahuden ozutandata (2011).

Kraiovan universitet[1] radab lidnas vspäi 1965 (20 tuhad üläopenikoid vl 2014, rom.: Universitatea din Craiova), sätihe openduzaluzkundoiden ühtištusel.

Homaičendad vajehta

  1. Kraiovan universitetan sait (ucv.ro). (rom.) (angl.)

Irdkosketused vajehta