Kondjansamal

Kondjansamal
Kondjansamal
Tedoklassifikacii
Valdkund: Kazmused Palakund: Samlod (Bryophyta) Klass: Polytrichopsida Kund: Polytrichales Sugukund: Polytrichaceae Heim: Kondjansamlod (Polytrichum) Erik: Kondjansamal
Latinankel'ne nimi
Polýtrichum commúne Hedw., 1801
Sistematik Vikierikoiš Kuvad Vikiaitas ITIS 15759 NCBI 3213

Kondjansamal (latin.: Polytrichum commune) om samlon toižend, äivozne kazmuz Polytrichaceae-sugukundaspäi.

Leviganduz

Se samal om levitadud Pohjoižen mapoliškon tahondoiš venon nepsan klimatanke, putub Meksikas, tün'valdmerižil saril (sidä kesken Udes Zelandijas) i Avstralijas. Voib vastata paksus Venäman meczonas (pohjoine i keskuzline palad) pölusiden nägul.

Kazvab mecan tahondoiš lujanke nepsudenke da luhtoidme. Kondjansamlon pölusenvuitte turbiž pid'oiteleb vet i veb territorijad sodundannoks.

Ümbrikirjutand

Samlon lehtesed oma muzavihandad, vanhudes burad, 6..8 mm pitte, erasti 12 millimetrhasai. Seikh om buranke da rusttanke ližamujunke, 10..15 sm pitte, sättujiš arvoimižiš sase 50 santimetrhasai. Lugetas necidä samlod kaikiš pidembas mail'mas.

Kazmuz äikerdoičese vezoil, idäčuil i gametil (sugustajil). Naižsugun i mužiksugun äikerdoičendan organad kazdas erazvuiččil kazmuzil.

Kävutand

Keratas i kuivatas, ottas kävutamižhe lämuzizoläcijaks struban parziden keskes.

Kondjansamal ei hapištu, sil bakterijanvastaine ičend om.

Alaerikod

• Polytrichum commune var. commune
• Polytrichum commune var. jensenii
• Polytrichum commune var. perigoniale