Kojeged

Kojeged (üks'lugu Kojeg) oma gavediden polifiletine jouk, pened öližed i hämäran lipkaižed (Lepidoptera-heimkund). Jouk mülütab enamba mi 15 tuhad erikoid.

Leopardine kojeg (Hypercompe scribonia), AÜV

Leviganduz

Gavedid oma levitadud kaikedme mail'madme. Erased erikod elädas ristitun eländtahoiš (sinantropižed).

Erased erikod oma maižandusen satusen travijad, neniden kul'turoiden: puvill, rugiž da toine vill', kapust, jablokpu. Levitadud kojeg travib villasižid tegesid.

Ümbrikirjutand

Kojegen pä om leved, kaks' hibusut oma püštti. Suugad oma kaidad, pidetud ribuikahanke paksus. Polifiletižen joukun erikod oma erazvuiččed hibjan sauvondan i suugiden soniden mödhe.

Suugiden maihutuzkeskust vajehtase 3..20 millimetrad röunoiš, erasti 40 mm (Cosmopterigidae- i Coleophoridae-sugukundad), harvoin lujas 60 millimetrhasai (sen'kojegiden sugukundan Scardia-heim).

Sugukundad

Mülütadas kojegihe nenid sugukundoid:

Acrolepiidae Adelidae Agonoxenidae Autostichidae Batrachedridae Bedelliidae Blastobasidae Bucculatricidae Chimabachidae Choreutidae

Coleophoridae Cosmopterigidae Douglasiidae Elachistidae Epermeniidae Eriocraniidae Gelechiidae Glyphipterigidae Gracillariidae Heliozelidae

Hepialidae Incurvariidae Lyonetiidae Lypusidae Micropterigidae Momphidae Nepticulidae Oecophoridae Opostegidae Plutellidae

Prodoxidae Roeslerstammiidae Schreckensteiniidae Scythrididae Stathmopodidae Tineidae (mülütab Tinea- i Tineola-heimoid) Tischeriidae Yponomeutidae Ypsolophidae

Kacu mugažo

• Kojeghein