Kluž Napok (rom.: Cluj-Napoca [ˈkluʒ naˈpoka], mad'j.: Kolozsvár [ˈkoloʒvaːr], saks.: Klausenburg), paginoiš Kluž lühüdas, om lidn Romanijan lodehes. Se om valdkundan koumanz' lidn eläjiden lugun mödhe, Klužan ümbrikon administrativine keskuz.

Kluž Napok
Cluj-Napoca
Lidnanznam
ROU CJ Cluj-Napoca CoA.png
Valdkund Romanii
Eläjiden lugu (2016) 321,687 ristitud
Pind 179,5 km²
Kluž Napok Cluj-Napoca
Pämez' Emil' Bok
(2004−2008, heinku 2012—,
om valitud 2020−2024 strokuks,
Emil Boc)
Telefonkod +40-(0)x64
Aigvö tal'vel UTC+2,
kezal UTC+3

IstoriiRedigeeri

Eländpunkt mainitase dokumentoiš ezmäižen kerdan vl 1213 kuti Klus. Sai lidnan oiktusid vl 1270. Istorižen Transil'vanii-agjan keskuz, Transil'vanijan Suren ruhtinazkundan oficialine pälidn vll 1790−1848 i 1861−1867. Udesnimitihe nügüdläižikš vl 1974.

Kluž Napok šingotase elektrotehnikan pästandal (De'Longhi, Bosch), kosmetikan Farmec-kompanijal, sömtegimištol (oludtegim), turizmal da torguindal.

Geografijan andmusedRedigeeri

Lidn sijadase ümbrikon keskuzpalas, 340 m ü.m.t. keskmäižel korktusel. Matkad Buharesthasai om 324 km suvipäivnouzmha.

Klimat om ven kontinentaline. Voden keskmäine lämuz om +8,5 C°, kaikiš lujemb pakaine oleli −25 C°. Paneb sadegid 548 mm vodes, enamba semendkus-elokus (60..95 mm kus).

EläjadRedigeeri

Vn 2011 Romanijan rahvahanlugemižen mödhe lidnan eläjiden lugu oli 324 576 ristitud. Kaikiš suremb ristitišt oli 328 602 eläjad vl 1992.

Rahvahad (2011, enamba 0,4 %, ozutadud rahvahudenke): romanijalaižed — 80,1 %, mad'jaralaižed — 16,0 %, čiganalaižed — 1,0 %, toižed rahvahad — 2,9 %.

Kümne üläopendusen aluzkundad ratas lidnas, sidä kesken valdkundan kaikiš järedamb i amuižemb Babešan — Boijain universitet[1] (rom.: Universitatea Babeș-Bolyai, 48,6 tuh. üläopenikoid vl 2021) kirjutab ičeze istorijad 16. voz'sadaspäi.

HomaičendadRedigeeri

  1. Babešan — Boijain universitetan sait (ubbcluj.ro). (rom.) (mad'j.) (saks.) (angl.)

IrdkosketusedRedigeeri