Keskuzrajon (Piter)

Keskuzrajon (ven.: Центральный район) om rajon Piteriš. Sijadase lidnan keskuzpalas, istorižen keskusen päivnouzmas.

Istorii

Rajon om sätud vn 1994 11. päiväl keväz'kud koumen enččen rajonan territorijoišpäi: Dzeržinskii, Kuibiševskii (oliba vspäi 1936) i Smol'ninskii (oli olmas vspäi 1930). Ühtennimižed käskuzkundad ratas rajonas tähäsai.

Geografijan andmused

Rajonan pind om 17,12 nellikkilometrad.

Röunatab lidnan nenidenke rajonidenke:

Viipurin i Kalininan rajonad levitasoiš pohjoižes,
Krasnogvardeiskii rajon om päivnouzmas,
Nevan rajon levigandeb suvipäivnouzmas,
Frunzen rajon om suves,
Admiralteiskii rajon sijadase suvipäivlaskmas-päivlaskmas,
Vasileostrovskii rajon om päivlaskmas,
Petrogradan rajon om lodehes.

Neva-jogi röunatab rajonad pohjoižes i päivnouzmas, Obvodnii-kanal om suviröunaks. Ekologine situacii ei ole hüvä puištoiden vajaguden tagut.

Üks'toštkümne metrostancijad videl jonol ratas rajonan territorijal, mugažo Piter-Päine-raudtestancijan Moskvan vagzal.

Keskuzrajon jagase kudeks nimitadud municipaližeks ümbrikoks (ende nomerad 77..82): Dvorcovii («pert'kulun»), nomer 78, Liteinii, Smol'ninskoje, Ligovka-Jamskai, Vladimirskii.

Eläjad

Vn 2010 Venäman rahvahanlugemižen mödhe eläjiden lugu oli 214 625 ristitud. Kaik 203 870 ristitud elihe rajonas vl 2021. Vl 2002 ristitišt oli 236 856 eläjad.

Rajonan administracijan pämez' om Jelena Födorova vn 2021 redukuspäi. Edeline administracijan pämez' om Maksim Meiksin (uhoku 2019 — reduku 2021).

Galerei

Rajonan tobmuden sauvuz Smol'ninskoje-ümbrikos (2021)
Jumalanmaman Kazanin jumalaižen päjumalanpert', vn 2016 nägu
Piterin valdkundaline universitet: sociologijan, politologijan i rahvahidenkeskeižiden kosketusiden fakul'tetad vl 2009 (ende Smol'nii-naižjumalankodi)
Pert'kulun torg (2013)
Moskvan vagzal Piter-Päine-raudtestancijanno vl 2012

Irdkosketused

Keskuzrajonan lehtpoled Piterin tobmuden portalal (gov.spb.ru). (ven.) (angl.)
Keskuzrajonan uzištused (news-centre.ru). (ven.)