Kalahabuk

Kalahabuk
Ištui kalahabuk, Kalifornii-štat, AÜV, 2006
Tedoklassifikacii
Valdkund: Živatad Tip: Sel'gjäntkeižed (Chordata) Klass: Lindud (Aves) Heimkund: Habukanvuiččed (Accipitriformes) Sugukund: Kalahabukižed (Pandionidae Sclater & Salvin, 1873) Heim: Kalahabukad (Pandion Savigny, 1809) Erik: Kalahabuk
Latinankel'ne nimi
Pandion haliaetus (Linnaeus, 1758)
Areal
Sistematik Vikierikoiš Kuvad Vikiaitas ITIS 175590 NCBI 56262

Kalahabuk (latin.: Pandion haliaetus) om järed lihansöi lind Habukanvuiččed-heimkundaspäi, Kalahabukad-heimon i Kalahabukižed-sugukundan üks'jäine eläb erik. Om avaros levitadud molembiš mapoliškoiš.

Ümbrikirjutand

Täuz'kaznuden kalahabukan piduz om 55..58 sm, maihutuzkeskustanke 145..170 sm. Emäčud oma suremb videndeses mi ižačud vedusen mödhe, suugiden maihutuzkeskust om levedamb 5..10 procentas. Pohjoižamerikan alaerikon ižačuiden mass om 1,2..1,6 kg, emäčuiden 1,6..2 kilogrammad.

Pezoiteldas kaikiš varuitomiš sijiš, kus vezišt kalan äjüdenke om olmas. Sätas pezoid koumes..vides kilometras vedespäi tobjimalaz, mugažo peza voib olda hüväs sijas ani veden päl.

Klassifikacii

Alaerikod

Erik jagase nelläks alaerikoks, piidab käta niid erikoikš molekuläriž-genetižiden tedoidusiden alusel:

• P. h. carolinensis — järed i pimed alaerik. Om levitadud Pohjoižamerikas.
• P. h. cristatus — kaikiš penemb alaerik. Eläb mererandaližes zonas i pidust' znamasižid jogid Avstralijas i Tasmanii-sarel.
• P. h. haliaetus — kaikiš järedamb i pimed alaerik. Om levitadud Evrazijas.
• P. h. ridgwayi — pä om vauvhamban mujun. P. h. haliaetus-alaerikon surtte. Om levitadud Kariban meren saril, ei tege migracijoid.

Heimon kadonuded erikod

• †Pandion homalopteron Warter, 1976
• †Pandion lovensis Becker, 1985