Homs (sijaline pagin حُمْص Ḥomṣ [ħɔmsˤ]), mugažo Hims (arab.: حمص‎ Ḥimṣ [ħɪmsˤ]), om Sirijan koumanz' surtte lidn. Se om Homsan agjan (muhafazan) administrativine keskuz.

Homs
حمص‎
Valdkund Sirii
Eläjiden lugu (2017) 775 404 ristitud
Pind 48 km²
Homs حمص‎
Pämez' Abdullah Al' Bavab
Telefonkod +963-(0)31
Aigvö tal'vel UTC+2,
kezal UTC+3

Istorii vajehta

Eländpunktan aluz om pandud läz 2000. vot edel meiden erad, mainitase dokumentoiš 1. voz'sadaspäi EME. Lidn oli tetab amuižes mirus Emes-nimitusenke (amuižgrek.: Ἔμεσα Emesa). Kändihe islamanuskojiden lidnaks i sai nügüdläšt nimitust 7. voz'sadal.

Homs oli tegimištoližen keskusen edel rahvahanikoiden sodad Sirijas (kivivoin i puvillan ümbriradmine). Lidn jäb Sirijan päivlaskman transportteiden keskuseks.

Geografijan andmused vajehta

Lidn sijadase valdkundan päivlaskman keskuzpalas, 501 m ü.m.t. keskmäižel korktusel. El'-Asi-jogi (Oront) jagab lidnad päivnouzmaižeks (amuižemb) i päivlaskmaižeks palaks. Matkad Damask-pälidnhasai om 162 km suvhe orhal, järedha Aleppo-lidnhasai om 193 km pohjoižhe, Tartus-meriport om 90 km päivlaskmha.

Klimat om subtropine Keskmeren. Voden keskmäine lämuz om +17 C°, kezakun-sügüz'kun +24..+26 C°, tal'vkun-uhokun +7..+8 C°. Paneb sadegid 429 mm vodes, enamba tal'vkus-uhokus (81..95 mm kus), vähemba kezakus-sügüz'kus (5 mm pordos).

Eläjad vajehta

Vl 2004 eläjiden lugu oli 652 609 ristitud 48 km² pindal. Kaikiš suremb ristitišt oli 823 tuhad eläjid vl 2008, agjan läz pol't.

Ristitišton uskond om erazvuitte, vn 2016 lopus islamanuskojad otiba koume nelländest, alavitad 15 %, hristanuskojad kümnendest.

Al'-Baas-universitetan[1] aluz om pandud vl 1979 (arab.: جَامِعَة الْبَعْث Džāmiʻat Al' Baʻs). Se mülüb Sirijan järedoiden universitetiden nell'hä, 99 tuhad üläopenikoid opetas vl 2023, edel 2011. vot 120 tuhad üläopenikoid oli siš.

Homaičendad vajehta

  1. Al'-Baas-universitetan sait (albaath-univ.edu.sy). (arab.) (angl.) (fr.)

Irdkosketused vajehta