Helühein

Helühein
Pen' helühein (Rhinanthus minor)
Tedoklassifikacii
Valdkund: Kazmused Palakund: Änikkazmused (Magnoliophyta) Klass: Kaksidülehtesižed (Magnoliopsida) Kund: Lamiales Sugukund: Orobanchaceae Heim: Helühein
Latinankel'ne nimi
Rhinánthus L., 1753
Sistematik Vikierikoiš Kuvad Vikiaitas ITIS 34018 NCBI 46059

Helühein (latin.: Rhinanthus) om heinäsižiden kazmusiden heim 30..40 erikonke, mülüb Orobanchaceae-sugukundha.

Leviganduz

Voib vastata Evropan (28 erikod), Sibirin i Pohjoižamerikan äjil nepsoil nituil venos vös.

Kazmuz levitab ičeze žomad vitkos.

Ümbrikirjutand

Üks'vozne kazmuz, om vällänke jurištonke. Seikhed oma oiktad vai sarakoitas. Lehtesed kazdas toine tošt vaste, lehtesen röun voib olda oiged vai hambhikaz.

Änikuz om toppaz. Änikon vencut om pakuine. Plod om kehker konorüt, avaidase tahkoidme. Se mülütab korvenvuiččid semnid, suugikahid paksumba kaiked.

Küpsad semned rämäitas plodun seinhä kazmusen lehkutamižes tulleil i sil hein om helün pojav.

Znamoičend ižanduses

Helühein om rujoheinäks maižanduses. Om pol'parazitaks, sen jured kazdas toižiden kazmusiden kolnuzil juril, voib satatada kul'turkazmust küt'kindan aigan. Čaptud hein om paha sötmižes, sikš miše om äi seikhid i vähä lehtesid. Pidab otta nitud omaluižeks puhtastamha helüheinäspäi.

Voib levineda villän pöudoil. Semned puttas obrättüd villähä, tehtud jauh sišpäi om sinižen mujun, pašttud leib kändase kovaks i jügedaks sulatusele. Pidab puhtastada villän semnid edel semendust.

Valitud erikod

• Rhinanthus alectorolophus — Sur' helühein
• Rhinanthus alpinus — Al'pine helühein
• Rhinanthus angustifolius — Kaidlehtesine helühein
• Rhinanthus borealis — Pohjoine helühein
• Rhinanthus carinthiacus — Karintine helühein
• Rhinanthus freynii — Freinan helühein
• Rhinanthus groenlandicus — Grenlandine helühein
• Rhinanthus halophilus — Solannavedii helühein
• Rhinanthus mediterraneus — Keskmeren helühein
• Rhinanthus minor — Pen' helühein
• Rhinanthus oesilensis — Ezeline helühein
• Rhinanthus pampaninii — Pampaninin helühein
• Rhinanthus rumelicus — Rumeline helühein
• Rhinanthus wagneri — Vagneran helühein
• Rhinanthus wettsteinii — Vettšteinan helühein