Geberh

Geberh (angl.: Port Elizabeth, sijaline lühenduz P.E., afrik.: Die Baai [di ˈbɑːi], kos.: iBhayi / Gqeberha [ᶢǃʱɛ̀ɓéːxà]) om lidn Suviafrikan Tazovaldkundan suves. Se mülüb Päivnouzmaižhe Kapan provincijha kaikiš surembaks lidnaks.

Geberh
Port Elizabeth (angl.)
Die Baai (afr.)
Gqeberha / iBhayi (kos.)

Valdkund	Suviafrikan Tazovaldkund
Eläjiden lugu (2011)	312,392 ristitud
Pind	251,03 km²
Pämez'	Mongameli Bobani (eloku 2018—)
Telefonkod	+27-(0)41
Aigvö	UTC+2

Lidn om Nel'son Mandelan Merilaht-lidnümbrikon administrativižeks keskuseks (merilahted mugomanke nimenke ei ole), mugažo sen ümbärdajan Kakadu-rajonan keskuz (ei mülü rajonha).

Istorii

Eländpunktan aluz om pandud britanižil kolonistoil vl 1820. Nimitihe Port Elizabet:aks Kapan kolonijan gubernatoran Elizabet Frensis-akan mödhe. Om Indižen valdmeren joudjaks meriportaks vspäi 1832. Sai lidnan i erištadud municipalitetan statusad vl 1861. Lidn sai ut oficiališt nimitust vn 2021 uhokus langenijan merikarha jogen i kosan Uolmer-keskuzrajonan nimen mödhe.

Geberh da sen ezilidnad šingotasoiš valdmeriportal, avtotegimištol da avtopaloiden pästandal.

Geografijan andmused

Lidn sijadase agjan suvipäivlaskmas, Algoa-lahten randal, 15 m ü.m.t. keskmäižel korktusel. Matkad Keiptaunhasai om 770 km.

Eläjad

Vl 2007 lidnan eläjiden lugu oli 237 500 ristitud, vl 1991 — 303 353 ristitud. Kaik 1,15 mln ristituid elihe lidnümbrikos vl 2011 1 959 km² pindal, se om kudenz' surtte valdkundas. Kaikiš suremb lidnan ristitišt om nügüd'.

Universitet Nel'son Mandelan nimed (angl.: Nelson Mandela University, 28 tuh. üläopenikoid) om sätud vl 2005 koumen aluzkundan ühtištusel.

Irdkosketused

• Lidnümbrikon oficialine sait (nelsonmandelabay.gov.za). (angl.)