Šoutarven vepsän küläkund

Šoutarven vepsän küläkund (ven.: Шелтозерское вепсское сельское поселение) om municipaline ühtnik Karjalan Tazovaldkundan Änižröunan (Änižrandan) rajonas. Administrativine keskuz om Šoutjärv'-žilo.

Küläkund om sätud Vepsän rahvahaližen volostin tühjitusen jäl'ghe vl 2005.

Pämez' — Irina Safonova vn 2011 tal'vkuspäi^[1], radab kahtenden strokun jäl'geten.^[2]

Geografijan andmused vajehta

Küläkund sijadase rajonan suvipäivnouzmas, röunatab Leningradan agjanke suves. «Petroskoi — Šušt»-avtote läbitab küläkundad. Änižen päivlaskmaižen randan pala om pohjoižpäivnouzmas.

Eländpunktad vajehta

Kaik kuz' eländpunktad sijadasoiš küläkundan territorijal, sidä kesken üks' žilo i viž küläd:

Išan'-külä
Matfejansel'g-külä
Mecantaga-külä
Mägikülä
Šoutjärv'-žilo (administrativine keskuz)
Vehkoi-külä

Eläjad vajehta

Vn 2010 kaiken Venäman rahvahanlugemižen mödhe küläkundan eläjiden lugu oli 980 ristitud. Vl 2018 sen ristitišt oli 882 eläjad.^[3]

Homaičendad vajehta

Irdkosketused vajehta

[1] 4. tal'vku 2011: Šoutarven vepsän küläkundan pämehen edelstrokuižed valičendad, andmused kandidatoiš. — Karel.vybory.izbirkom.ru. (ven.)

[2] 6. tal'vku 2015: Šoutarven vepsän küläkundan pämehen toštmižvaličendad, andmused kandidatoiš. — Karel.vybory.izbirkom.ru. (ven.)

[3] Venäman municipaližiden ühtnikoiden ristitišton lugu vn 2018 1. päiväl vilukud. — Gks.ru. (ven.)

[1]

[2]

[3]