Zavorotnük Anastasija

Anastasija Jur'jevna Zavorotnük (ven.: Анастасия Юрьевна Заворотнюк; sünd. 3. sulaku 1971, Astrahan', Venäman NFST, NSTÜ — kol. 29. semendku 2024, Moskv, Venäma) oli venämalaine kinon i teatran aktris da TV-vedai. Venälaižen Federacijan arvostadud artist (2006).

Zavorotnük Anastasija
Anastasija Zavorotnük vn 2013 semendkus
radmižen toižend:	актриса, телеведущая, певица, ведущая
sündundan dat:	3. sulaku 1971(1971-04-03)
sündundan sijaduz:	Astrahan', Vene NFSV[d], Nevondkundaližiden Socialistižiden Tazovaldkundoiden Ühtištuz
valdkund:	Venäma
kolendan dat:	29. semendku 2024(2024-05-29) (53 vot)
kolendan sijaduz:	Moskv, Venäma
mam:	Valentina Zavorotnyuk[d]
sait:	zavorotnuck.ru
Zavorotnük Anastasija VikiAitas

Biografii

Tuleban aigan aktris oli sündnu Jurii Zavorotnük-telerežissöran (1945−2014) i sen Valentina-akan (Venäman rahvahan artist) kanzha. Lapsessai Anastasija päti väta rolid teatras, oti muzikan i karguiden urokoid joudas, oli pästnus Astrahanin lapsiden muzikškolaspäi nomer 1.

Vll 1988−1989 naine zavodi opendust Astrahanin valdkundaližen pedagogižen institutan istorižes fakul'tetas, no jäti kesketi i tuli samha opendust MHAT:an školha-studijha (Moskv, Avangard Leontjevan kurs), oli sen vn 1993 pästnikan.

Anastasija radoi aktrisan teatras-studijas Oleg Tabakovan ohjandusel, kümnes vodes edesti 29 spektaklin rolid. Vspäi 1991 vändi rolid fil'miš epizodižikš, vll 2004−2018 fil'mzihe kaikenaigašti. Sil-žo aigal aktris radoi televizijas, läz 20 teleoigendusen vedai.

Vn 2018 elokuspäi naine ei radand, löutihe päaivoiden paižet. Anastasija napri spravitada läžundad, no koli sišpäi vn 2024 semendkus. Om mahapandud Moskvan Trojekurovan kaumžomal. Sünduti koume last: Anna (sünd. 1996) i Maikl (sünd. 2000) kahtendes naimiželos, Mila (sünd. 2018) koumandes naimiželos.

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.