Vilüčinsk

Vilüčinsk (ven.: Вилю́чинск) om Venäman lidn da meriport Kamčatkan randan suves. Se om Vilüčinskan lidnümbrikon (vn 2005 sügüz'kuspäi, alištub randale) da SATÜ:n (vn 1992 heinkuspäi, alištub federacijan tobmudele) administrativine keskuz.

Vilüčinsk
Вилючинск

Lidnanznam	Flag
Valdkund	Venäma
Eläjiden lugu (2020)	22,223 ristitud
Pämez'	Sergei Potapov (viluku 2021—)
Telefonkod	+7−41 535-xx-xxx
Avtokod	41, 82
Aigvö	UTC+12 (MSK+9)

Istorii

Ristitun seižutesed oliba neniš tahoiš edel jäaigad. Ende itel'menalaižed oliba enambuses Vilüčinskan ümbrištos, löuzihe 7 seižutest (2. voz'tuha e.m.e. — 1. voz'tuha meiden erad). Tarein-lidneihut (ven.: Тареин острожек) mainitase vn 1739 keväz'kul.

Nügüdläižen eländpunktan aluz om pandud vl 1968 lidnan statusanke Tünen valdmeren laivišton sodameribazaks. Ribačii- (vozil 1931−1954 Uz' Tarj), Primorskii- da Sel'devai-žilod ühtištuihe Petropavlovsk-Kamčatskii-50-lidnha da tegisoiš sen lidnanlaptoikš. Vhesai 1994 nimitihe mugažo Primorskii. Lidn om nimitadud lähižen Vilüčinskii-vulkanan mödhe vspäi 1994.

Kamčatkan meritegim om kohendamha vedenalaižid laivoid — «Pohjoižpäivnouzmaine kohenduzkeskuz». Saudihe kalanümbriradajad tegint 1930-nzil vozil. Kamčatkan tedostancii om olmas vspäi 1957.

Geografijan andmused

Lidn sijadase Avačin lahten Krašeninnikovan karan randoil, 10 m ü.m.t. keskmäižel korktusel. Matkad Petropavlovskhasai Kamčatkal om 25 km pohjoižpäivnouzmha.

Klimat om subarktine neps, valdmeren i mussonižen pirdoidenke. Tal'v om vilumb, i keza om lämhemb, mi lähižes Petropavlovskas. Voden keskmäine lämuz om +1,7 C°, heinkun-elokun +11..+13 C°, tal'vkun-keväz'kun −6..−8 C°. Paneb sadegid 978 mm vodes, enamba redukus (141 mm), vähemba sulakus (51 mm) i kezakus (54 mm).

Vilüčinsk om lidnümbrikon üks'jäine eländpunkt. Lidnümbrikon pind — 341,22 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 25 401 ristitud. Vspäi 1996 kaikiš suremb ristitišt oli 37 400 eläjad sil-žo vodel. Vl 2017 lidnan ristitišt oli 21 942 eläjad.

Saudihe ortodoksižen hristanuskondan kaks' pühäpertid 1990-nzil vozil: ph. Ondrii Ezikuctud garnizonas i ph. Serafim Sarovalaižen.

Kamčatkan industrialine tehnikum om lidnan professionaližen opendusen aluzkundaks.

Administracijan pämez' om lidnümbrikon pämehen vspäi 2021. Edeline Administracijan pämez' om Galina Smirnova (heinku 2017 — viluku 2021). Lidnümbrikon Duman ezimez' om Vasilii Ševcov vn 2021 vilukuspäi. Edeline Duman ezimez' (lidnümbrikon pämez') om Vitalii Lanin (reduku 2015 — viluku 2021).

Transport

Avtobusad i maršruttaksid oma kundaližeks transportaks lidnas da sen ümbrištos.

VA-laivoiden merivaldmad.

Galerei

• 
  Lidnan administracijan sauvuz keskuztorgul (2010)
• 
  Puišt öližel aigal, vn 2015 nägu
• 
  Kofekiosk vl 2016
• 
  Sodalaivad lidnad vaste Vilüčinskii-lämoimägenke tagamal vl 2010

Irdkosketused

• Lidnümbrikon tobmuden aluzkundoiden oficialine sait (viluchinsk-city.ru). (ven.)