Vil'häl

Vil'häl, vai Vil'hal, Vilhal (venän kelel: Яросла́вичи, vepsän kirjamil: Jaroslaviči) om vepsän külä Leningradan agjan Kos'kenaluižen rajonan suvipäivlaskmas.

Vil'häl
Ярославичи

Valdkund	Venäma
Eläjiden lugu (2017)	187 ristitud
Telefonkod	+7−81 365-xx-xxx
Avtokod	47
Aigvö	UTC+3

Istorii

Eländpunkt mainitase Uz'lidnan aigkirjas vspäi 1496. Edel 1960-nzid vozid viž küläd ezmäiženke ven.: Берег-nimenke oli, sid' ühtenzoittihe niid oficialižikš nügüdläiženke venän nimenke (om vahvištadud vl 1970), miččel nimitihe kaikid niid külid ühtes ende-ki.

Edel 2006. vot Vil'häl oli ičeze küläkundan administracijan keskuseks.

Geografijan andmused

Külän sijaduz om Vinglan küläkundas, Ojat'jogen oiktal randal. Matkad küläkundan Vingl-keskushesai om 25 km pohjoižpäivnouzmha.

Eläjad

Vn 2010 kaiken Venäman rahvahanlugemižen mödhe külän eläjiden lugu oli 180 ristitud, vl 2002 — 216 ristitud. Kaikiš suremb ristitišt oli 287 eläjad vl 1997.

Rahvahad (2002): venälaižed — 61 %, vepsläižed — 34 %, toižed rahvahad — 5 %.

Vil'hälas om socialižen holitusen aluzkundoid: küläkirjišt, fel'dšeriž-akušerine punkt, kul'turkodi. Vodhesai 2009 keskškol radoi, nügüd'aigan lähembaine škol sijadase Vinglas.

Irdkosketused

• «Leningradan agjan kul'tur»-enciklopedii: Vil'häl. (ven.)